Malakias 1:3 - Marahay na Bareta Biblia

³ Ikinaongis ko si Esau saka an saiyang kapagarakian. Rinaot ko an mabulod na daga ni Esau asin pinabayaan ko sa mga lalaw na ayam.”

Malakias 1:3 ပူးပေါင်းရင်းမြစ်များ

Genesis 25:23

Tinaraman siya nin Kagurangnan, “Duwang nasyon an nasa tulak mo, duwang magkaribal na banwaan an mamumundag saimo; an saro mas makosog ki sa saro, an matua, maglilingkod sa ngohod.”

Isaias 35:7

magigin sarong sapa an mainit na baybay, asin mapapano nin mga burabod an mamarang daga. Sa dating pinag-eerokan kan lalaw na mga ayam, matalubo an mga bariw saka doot sa katiboan.

Jeremias 49:10

Alagad hinubaan ko an mga kapagarakian ni Esau. Ihinayag ko an saindang mga pinagtatagoan, kaya dai na sinda makakatago maski saen. Ginadan an gabos na taga Edom. Mayo nin natada sainda maski saro.

Jeremias 49:20

Kaya hinanyoga an plano ko laban sa mga taga Edom, asin an boot kong gibohon sa mga taga Teman. Maski an mga saradit nindang aki guguyodon, asin magkakatirikbahan an lambang saro.

Jeremias 49:33

An Hazor magigin sarong desyerto sagkod lamang, sarong lugar na pag-eerokan nin mga lalaw na ayam. Mayo na nin tawo na mag-eerok duman. Ako, an Kagurangnan, an nagtaram.”

Jeremias 49:7

Iyo ini an itinaram kan Kagurangnan nin mga hukbo manongod sa Edom: “Mayo na daw nin sarong may marahay na kaisipan sa Edom? Dai na daw naghuhulit an mga parahatol duman? Napara na daw an saindang kadonongan?

Jeremias 49:8

Mga taga Dedan, magdulag saka magtago kamo. Roronoton ko an mga kapagarakian ni Esau huli ta nag-abot na an panahon tanganing padusahan ko sinda.

Jeremias 51:37

An nasyon na iyan magigin sarong tambak nin mga raot, na pag-eerokan nin mga lalaw na hayop. Siya magigin sarong tanawon na nakakatakot; mayo na nin mag-eerok duman, asin an gabos na makahiling saiya magkakamorongnan.

Jeremias 9:11

Nagtataram an Kagurangnan, “An Jerusalem gigibohon kong sarong tambak nin mga raot, sarong lugar na eerokan nin mga lalaw na ayam; an mga syudad nin Juda magigin sarong desyerto, lugar na mayong nag-eerok na tawo.”

Mga Panambitan 4:22

An Sion nagbayad na kan saiyang kasalan; hahaleon na kami nin Kagurangnan sa pagkatapokan. Alagad, O Edom, papadusahan ka nin Kagurangnan; ihahayag niya an saimong mga kasalan.

Ezekiel 36:7

Kaya ako, an Kagurangnan Dios, minasumpa na an mga nasyon sa palibot nindo pagtutuyatuyaon man.

Ezekiel 36:9

Kaapil nindo ako, asin hihingowahon ko na an saindong daga maarado giraray dangan matanoman.

Joel 3:19

“An Egipto magigin sarong desyerto, asin mayo nang mag-eerok sa Edom, huli ta sinalakay ninda an daga nin Juda asin ginaradan an mga tawong mayo nin sala.

Obadias 1:10

“Huli ta hinabonan mo asin ginadan an mga tugang mong lalaki, an mga kapagarakian ni Jacob, gagadanon ka asin sosopogon sagkod lamang.

Lukas 14:26

“An magdolok sako dai magigin disipulo ko kun orog na namomotan niya ki sa sako an saiyang ama, ina, agom, mga aki, mga tugang, asin an sadiri niyang buhay.