Malakias 1:2 - Marahay na Bareta Biblia

² An Kagurangnan nagtataram sa saiyang banwaan, “Danay takang namotan.” Alagad minasimbag sinda, “Paano mo ipinahiling an saimong pagkamoot samo?” Minasimbag an Kagurangnan, “Magtugang si Esau asin si Jacob, alagad orog kong namotan si Jacob dangan an saiyang kapagarakian.

Malakias 1:2 ပူးပေါင်းရင်းမြစ်များ

Genesis 25:23

Tinaraman siya nin Kagurangnan, “Duwang nasyon an nasa tulak mo, duwang magkaribal na banwaan an mamumundag saimo; an saro mas makosog ki sa saro, an matua, maglilingkod sa ngohod.”

Genesis 25:25

Mapula an naenot asin mabarahibo an saiyang kublit siring sa gubing na anit, kaya inapod siyang Esau.

Genesis 25:26

Namundag an ikaduwa na pugol nin marahay an bool ni Esau, kaya inapod siyang Jacob. An kambal namundag kan si Isaac sesentang taon na an edad.

Genesis 27:33

Huli kaini nagtakig an bilog na hawak ni Isaac asin naghapot, “Siisay palan idtong nagbuno nin hayop asin nagdara kan linuto sako? Nakakakan pa sana ako bago ka mag-abot. Itinao ko na saiya an bendisyon asin mapapasaiya na idto sagkod pa man.”

Genesis 48:4

Sinabihan niya akong, ‘Tatawan taka nin dakul na aki tanganing magin dakul na nasyon an saimong mga kapagarakian; itatao ko sa sainda an dagang ini bilang sadiri ninda sagkod pa man.’”

1 Mga Hade 10:9

Pag-omawon an Kagurangnan na saimong Dios, na nawiwili saimo asin nagpapatukaw saimo sa trono nin Israel! Huli ta namomoot sa Israel sagkod lamang an Kagurangnan, ginibo ka niyang hade tanganing papagdanayon mo an hustisya saka an katanosan.”

2 Mga Hade 3:8

Arin na dalan an satong aagihan sa pagsalakay?” “Sa dalan kan kalangtadan nin Edom,” an simbag ni Joram.

Isaias 43:4

Papabayaan ko an mga nasyon tanganing iligtas an saimong buhay, huli ta mahalaga ka sa sako, asin huli ta namomotan taka sako ginagalangan.

Isaias 63:1

“Siisay ining nagdadangadang hale sa syudad nin Bozra sa Edom? Siisay ining nakasulot nin magayon na gubing na pula na nagmamartsa na may kapangyarihan saka kakosogan?” Siya an Kagurangnan, an mapangyari sa pagligtas, na nagdadangadang sa pagpahayag kan saiyang kapangganahan.

Jeremias 2:31

Banwaan nin Israel, hinanyoga an sakong tataramon. Nagin daw ako siring sa sarong desyerto sa saindo, siring sa dagang madiklom saka pano nin pag-alaman? Tadaw ta nagsasabi kamo na gigibohon nindo an saindong mawilihan, na dai na kamo mabalik sako?

Jeremias 2:5

Ini an sinasabi nin Kagurangnan: “Anong karatan an nakua sako kan saindong mga ginikanan ta sinda nagharayo sako? Nagsamba sinda sa mga ladawan na mayo nin halaga kaya sinda nagin mayo na man nin halaga.

Jeremias 31:3

nagpahiling ako sainda hale sa harayo. Banwaan nin Israel, danay ko kamong namotan, kaya padagos kong ipinapahiling saindo an danay kong pagkamoot.

Amos 1:11

Nagtataram an Kagurangnan, “Paulit-ulit na nagkasala an mga taga Edom, asin huli kaiyan, papadusahan ko sinda. Linamag ninda an saindang mga tugang, an mga Israelita, asin dai ninda naherakan. Daing kasagkoran an saindang kaanggotan, asin pinadanay ninda iyan.

Malakias 2:17

Pinagal nindo an Kagurangnan huli kan saindong mga pagparataram. Alagad minahapot kamo, “Paano mi siya pinagal?” Huli sa pagsasabi nin, “Ibinibilang kan Kagurangnan nin mga hukbo na marahay an siisay man na naggigibo nin maraot, asin nawiwilihan niya sinda.” O huli sa paghapot nin, “Haen na an Dios nin hustisya?”

Lukas 10:29

Alagad, huli ta boot magpakamatanos an lalaki, hinapot niya giraray si Jesus, “Siisay an sakong kapwa?”

Juan 15:12

An togon ko iyo ini: magkaminorootan kamo arog kan pagkamoot ko saindo.

Deuteronomio 10:15

Alagad labi-labi an pagkamoot nin Kagurangnan sa saindong mga ginikanan, kaya pinili niya kamo embes na an ibang mga tawo, asin sagkod ngunyan, kamo an saiyang sadiring banwaan.

Deuteronomio 23:5

Alagad dai si Balaam dinangog nin Kagurangnan na saindong Dios, asin an saiyang maldisyon ginibo nin Kagurangnan na magin bendisyon huli ta namotan niya kamo.

Deuteronomio 33:3

Namomotan nin Kagurangnan an saiyang banwaan; an mga sadiri niya, saiyang inaataman. Kaya nagduduko kita sa saiyang pamitisan, asin nagkukuyog kan saiyang mga kabotan.

Deuteronomio 4:37

Pinili niya kamo huli ta namotan niya an saindong mga ginikanan; huli kan saiyang dakulang kapangyarihan, ilinuwas niya kamo hale sa Egipto.