Malakias 1:14 - Marahay na Bareta Biblia

¹⁴ Humugpa logod an maldisyon sa paradaya na nagsasakripisyo sa sako nin mayong halagang hayop, mantang igwa man sana siya nin mga marahay na hayop na saiyang itinugang itatao sako! Dakula akong hade, asin kinakatakotan ako kan mga tawo sa gabos na nasyon.”

Malakias 1:14 ပူးပေါင်းရင်းမြစ်များ

2 Corinto 8:12

Kun talagang maigot kamo sa pagtao, aakoon nin Dios an saindong dolot, sosog sa ikakatao nindo asin bakong sosog sa dai nindo ikakatao.

Malakias 1:8

Kun minadara kamo nin buta o may helang o pilay na hayop tanganing isakripisyo sa sako, sa paghona nindo bakong sala an gibong iyan? Dolotan daw an siring na hayop sa saindong gobernador; mawiwilihan daw niya kamo o papahilingan nin marahay na boot?”

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”

Lukas 12:46

pag-abot kan kagurangnan niya sa aldaw asin oras na dai niya pinaghohona, papadusahan siya nin kagadanan asin ibubugtak siya sa kaibahan kan mga bakong maimbod.

Malakias 1:11

Inoomaw ako kan katawohan magpoon sa sarong poro kan kinaban sagkod sa ibong na poro kaiyan. Nagtututong sinda nin insenso sa sako saen man na lugar asin nagdodolot sinda nin maninigong mga sakripisyo. Gabos sinda nag-oomaw sako!

Zacarias 14:9

Dangan paghahadean nin Kagurangnan an bilog na daga; sasambahon siya kan gabos bilang Dios asin mamimidbidan siya sa siring na ngaran.

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Salmo 76:12

na minaputol kan hinangos nin mga prinsipe, na minatakot sa mga hade nin daga.

Salmo 47:2

Huli ta an Kagurangnan, an Kahorohalangkawe, kinatatakotan, dakulang hade sa bilog na kinaban.

Kapahayagan 15:4

Siisay an dai matatakot saimo, Kagurangnan? Siisay an dai maomaw kan saimong ngaran? Huli ta ika sana an banal. Gabos na nasyon madolok saka masamba saimo, huli ta an mga matanos mong gibo nahihiling kan gabos.”

Hebreyo 12:29

huli ta an satong Dios garo kalayong nanghahalon.

1 Timoteo 6:15

Sa tamang panahon, ihahayag siya nin Dios—an Dios na banal saka iyo sanang Kagsakop, Hade nin mga hade, asin Kagurangnan nin mga kagurangnan.

Daniel 9:4

Namibi ako sa Kagurangnan na sakong Dios asin itinuga ko an mga kasalan kan sakong mga kahimanwa. Nagsabi ako, “Kagurangnan Dios, dakula ka asin ginagalangan mi ika. Maimbod ka sa saimong tipan asin ipinapahiling mo an danay mong pagkamoot sa mga namomoot saimo saka nag-ootob kan saimong katogonan.

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Jeremias 48:10

Maldisyonon an tawong pabaya sa pagsunod sa trabaho nin Kagurangnan! Maldisyonon an tawong dai naninigbas saka dai nanggagadan!)

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Deuteronomio 28:58

“Kun bako kamong maimbod sa pagkuyog kan mga togon na nasusurat sa librong ini, asin kun dai kamo matakot sa ngaran nin Kagurangnan na saindong Dios,

Genesis 27:12

Tibaad hapiyapon ako kan sakong ama asin maaraman niyang dinadaya ko siya; kaya embes na bendisyon, sumpa an mapasako.”

Markos 14:8

Ginibo kan babaeng ini an saiyang makakaya: linahidan niya nin pahamot an sakong hawak bilang pag-andam sa paglubong sako.

Mateo 24:51

asin papadusahan siya nin kagadanan saka ibubugtak sa kaibahan kan mga parasagin-sagin. Duman siya magtatangis asin magraragot an saiyang mga ngipon.

Mateo 5:35

o ‘Saksi ko an daga,’ ta iyan an tungtongan kan saiyang mga bitis. Dai kamo magsabi, ‘Saksi ko an Jerusalem,’ ta iyan an syudad kan dakulang Hade.

Malakias 3:9

Yaon sa saindo gabos an sarong maldisyon huli ta dinadaya ako kan bilog na nasyon.

Salmo 95:3

Huli ta an Kagurangnan sarong dakulang Dios asin sarong mapangyaring Hade sa gabos na dios.

Salmo 68:35

Kinatatakotan an Dios sa saiyang santwaryo, an Dios nin Israel; siya minatao nin kapangyarihan asin kosog sa saiyang banwaan. Pag-omawon an Dios!

Salmo 48:2

An Sion, an bukid nin Dios, halangkaw asin magayon; an Sion, syudad kan dakulang hade, iyo an kaogmahan kan bilog na daga.

2 Samuel 24:24

Alagad nagsimbag an hade, “Babakalon ko an saimong ginikan sa tamang halaga. Dai ako madolot sa Kagurangnan na sakong Dios nin atang na dai ko binayadan.” Kaya binakal ni David sa halagang singkwentang pedaso na kwartang plata an lugar na pinaggiginikan asin an mga baka.

Jeremias 46:18

Ako, an Kagurangnan nin mga hukbo, iyo an hade. Ako, iyo an Dios na buhay. Arog sa Bukid nin Tabor sa tahaw kan mga bukid, asin arog kan Bukid nin Carmelo sa gilid kan dagat, an kosog kan sarong maabot na masalakay saindo.

Jeremias 48:15

Nag-abot na an maraot kan Moab asin kan saiyang mga syudad; an pinakamarahay sa saiyang mga hoben gagaradanon. Ako an hade, an Kagurangnan nin mga hukbo, asin ako an nagtaram.

Sofonias 2:11

Tatakoton sinda nin Kagurangnan. Hahalean niya nin halaga an mga dios-dios kan daga, dangan sasambahon siya kan lambang nasyon, an lambang saro sa sadiri niyang daga.

Malakias 2:1

Nagsasabi an Kagurangnan nin mga hukbo sa mga padi, “Para sa saindo an pagboot na ini:

Salmo 47:3

Ipinapasakop niya sato an mga banwaan, an mga nasyon ibinubugtak niya sa satong pamitisan.

Salmo 47:8

An Dios nagtutukaw sa saiyang banal na trono; siya naghahade sa mga nasyon.

Salmo 102:16

Kun an Sion pakarahayon na nin Kagurangnan, ipapahiling niya an saiyang kadakulaan.