Lukas 9:59 - Marahay na Bareta Biblia

⁵⁹ May saro man na sinabihan si Jesus, “Sumunod ka sako.” Alagad nagsimbag an lalaki, “Kagurangnan, tugote ngona akong magpuli ta ilulubong ko an sakong ama.”

Lukas 9:59 ပူးပေါင်းရင်းမြစ်များ

1 Mga Hade 19:20

Binayaan ni Eliseo an saiyang mga baka, linamag si Elias asin nagsabi, “Tugote akong magpaaram ngona sa sakong ama saka ina, dangan masunod ako saimo.” Nagsimbag si Elias, “Magpuli ka. Dai taka pinupugolan.”

Hageo 1:2

An Kagurangnan nin mga hukbo nagsabi ki Hageo, “An mga tawong ini nagsasabi na bako pa ini an tamang panahon sa paghirahay kan Templo.”

Mateo 16:24

Dangan sinabihan ni Jesus an saiyang mga disipulo, “An siisay man na boot sumunod sako, kaipuhan lingawan niya an sadiri niyang buhay, magpasan kan saiyang krus asin magsunod sako.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

Mateo 9:9

Kan si Jesus naglalakaw pakahale sa lugar na idto, nahiling niya an sarong parasingil nin buhis na an ngaran Mateo, nagtutukaw sa pinagsisingilan nin buhis. Inapod siya ni Jesus, “Sumunod ka sako.” Nagtindog si Mateo asin nagsunod ki Jesus.

Lukas 9:60

Nagsimbag si Jesus, “Pabayae an mga gadan na maglubong kan saindang mga gadan. Alagad ika, lumakaw ka asin ipaghulit mo an Kahadean nin Dios.”