Lukas 9:31 - Marahay na Bareta Biblia

³¹ na nagpahiling sa langitnon na kamurawayan. Pinag-orolayan ninda an nagdadangadang na kagadanan ni Jesus na mangyayari sa Jerusalem.

Lukas 9:31 ပူးပေါင်းရင်းမြစ်များ

Lukas 9:22

Nagsabi pa siya, “An Aki nin Tawo kaipuhan mag-agi nin makuring pagsakit. Isisikwal siya kan mga kamagurangan, kan mga poon na padi, asin kan mga paratukdo kan Katogonan. Gagadanon siya alagad mabubuhay liwat sa ikatolong aldaw.”

Lukas 9:30

Dangan biglang nagtunga an duwang lalaki na nakipag-olay saiya: si Moises asin si Elias,

Juan 1:29

Kan sunod na aldaw nahiling ni Juan si Jesus na nagdadangadang, kaya nagsabi siya, “Uya an Kordero nin Dios, na nagpapara kan kasalan nin kinaban!

2 Corinto 3:18

Kaya sa sato gabos na mayong tahob an lalawogon masasalming an kamurawayan nin Kagurangnan; an mismong kamurawayan na iyan na gikan sa Kagurangnan na iyo an Espiritu Santo, iyo an minaliwat sato na magin kabaing niya sa orog kadakula pang kamurawayan.

Filipos 3:21

Riribayan niya an satong malalapaon na hawak, asin gigibohon niyang arog kan saiyang mamurawayon na hawak, sa paagi kan kapangyarihan na ginagamit niya sa pagsakop kan gabos.

Colosas 3:4

Kun magpahiling na si Cristo, an tunay nindong buhay, kamo man matunga kaiba niya sa kamurawayan!

Hebreyo 11:22

Huli sa pagtubod, nagtaram si Jose, kan madali na siyang magadan, na mahale sa Egipto an mga Israelita. Nagtogon siya kun ano an dapat gibohon sa saiyang mga tolang.

1 Pedro 5:10

Alagad pakatios nindo sa halipot na panahon, an Dios nin gabos na biyaya, na nag-apod saindo para sa saiyang mayong kataposan na kamurawayan diyan ki Cristo, iyo an matao saindo kan kapanoan nin buhay, kosog asin pagsarig.

2 Pedro 1:15

Kaya gigibohon ko an gabos kong makakaya tanganing kun ako gadan na, danay nindong magiromdoman an mga bagay na ini.

Kapahayagan 7:14

Sinimbag ko siya, “Dai ko aram; ika an nakakaaram.” Sinabihan niya ako, “Ini an mga tawong nakatagal sa makuring kasakitan. Linabahan ninda an saindang mga gubing asin pinaputi sa paagi kan dugo kan Kordero.