Lukas 7:25 - Marahay na Bareta Biblia

²⁵ Ano an boot nindong mahiling duman? Sarong tawong nakagubing nin mamahalon? An mga tawong nakagubing nin magayon saka nabubuhay sa luho makukua sa palasyo nin mga hade!

Lukas 7:25 ပူးပေါင်းရင်းမြစ်များ

2 Samuel 19:35

Otsentang taon na ako, asin mayo na akong nawiwilihan. Dai ko na nananamitan an sakong kinakakan o iniinom; dai ko na nadadangog an mga tingog nin mga paraawit. Magigin pagabat sana ako sa mahal na Hade.

1 Mga Hade 10:5

Nahiling niya an pagkakan sa saiyang lamesa, an mga erokan kan saiyang mga opisyal, an marahay na paglingkod kan saiyang mga sorogoon saka an mga gubing na sulot ninda, an mga naglilingkod sa saiyang lamesa, asin an saiyang mga tinutong na atang na idinodolot niya sa Templo. Nagngalas siya nin marahay sa mga nahiling niya.

2 Mga Hade 1:8

“Nakasulot siya nin gubing na gibo sa mga anit nin hayop asin nakahabay nin anit,” an simbag ninda. “Si Elias idto!” an sabi kan hade.

Esther 1:11

Pinagbotan niya sinda na kuahon si Reyna Vasti, na sulot an saiyang korona. Magayon na babae an reyna, asin boot kan hade na ipahiling an kagayonan kaini sa mga opisyal asin sa gabos niyang mga bisita.

Esther 1:3

Kan ikatolong taon nin saiyang paghahade, nagbangkete siya para sa gabos niyang opisyal saka mga administrador, para sa mga hukbo nin Persia saka Media, asin para sa mga gobernador saka mga ginagalangan na tawo kan mga probinsya.

Esther 4:2

sagkod na nakaabot siya sa agihan pasiring sa palasyo. Dai siya naglaog huli ta dai itinutugot na maglaog duman an nakagubing nin sako.

Esther 5:1

Kan ikatolong aldaw isinulot ni Esther an gubing niya bilang reyna asin nagtindog siya sa pinakalaog na patyo kan palasyo, sa atubangan kan sala kan hade. Nasa laog an hade asin nagtutukaw sa saiyang trono, nakaatubang sa pintoan.

Esther 8:15

Nagluwas sa palasyo si Mardokeo na nakasulot nin gubing na panghade, na kolor asul saka puti; igwa siya nin dakulang bulawan na korona sa payo asin alikboy na pinong lino na kolor purpura. Dangan nadangog an kurahaw nin kaogmahan sa syudad nin Susa.

Isaias 59:17

Isusulot niya an hustisya siring sa sarong gubing na panggera asin an kapangganahan siring sa sarong helmet. Isusulot niya an gubing nin pagbalos tanganing tanoson an gabos na bagay asin tanganing baloson an mga karatan na tinitios kan mga tawo.

Mateo 11:8

Ano an boot nindong mahiling duman? Sarong tawong nakagubing nin mamahalon? An mga tawong naggugubing nin arog kaiyan nag-eerok sa mga palasyo!

Mateo 3:4

An gubing ni Juan gibo sa mga buhok nin kamelyo, may hagkos siyang anit. An kakanon niya doron asin dugos.

Mateo 6:29

Alagad sinasabihan ko kamo, dawa si Solomon sa bilog niyang kamurawayan, dai pa nakagubing nin arog kagayon kan saro kan mga liryong ini.

Lukas 16:19

“Igwa kaidto nin sarong mayaman. Mga mamahalon an gubing niya asin masisiram an mga kinakakan aroaldaw.

Lukas 7:24

Pakahale kan mga sinugo ni Juan, nagtaram si Jesus sa mga tawo dapit ki Juan, “Kan magduman kamo sa kalangtadan, ano an pinagmamawot nindong mahiling? Sarong bariw na pinagpapalid-palid nin doros?

Lukas 7:26

Ano talaga an boot nindong mahiling? Sarong propeta? Iyo, asin sinasabihan ko kamo na an nahiling nindo orog pa ki sa propeta.