Lukas 6:48 - Marahay na Bareta Biblia

⁴⁸ Kaagid siya sa sarong tawo na nagtugdok nin harong: pakakalot niya nin hararom, pinatindog niya an harong sa pundasyon na gapo. Kan nagbaha, hinampas kan tubig an harong, alagad dai man lamang natanyog huli ta marahay an pagkatugdok kaiyan.

Lukas 6:48 ပူးပေါင်းရင်းမြစ်များ

2 Samuel 22:2

An Kagurangnan iyo an sakong parasurog; siya an sakong pailihan, sakong paratubos.

2 Samuel 22:32

Huli ta siisay an Dios kundi an Kagurangnan? Siisay an gapo kundi an satuyang Dios?

2 Samuel 22:47

An Kagurangnan buhay! Pag-omawon an sakong parasurog! Irukyaw an sakong Dios, an gapo nin sakong kaligtasan.

2 Samuel 22:5

Napalibotan ako kan mga alon nin kagadanan; duminagsa sako an mga alon nin pagkaraot.

2 Samuel 23:3

Nagtaram an Dios nin Israel; an Gapo nin Israel nagtaram sako: “An hade na nagsasakop na may katanosan, na nagsasakop na may pagkatakot sa Dios,

Salmo 32:6

Kaya kaipuhan mamibi saimo an gabos na tawong maimbod saimo sa panahon nin pangangaipo; kun mag-abot an sarong dakulang baha nin kasakitan, dai iyan makakaabot sainda.

Salmo 62:2

Siya sana an sakong gapo asin kaligtasan; siya an sakong bantayan, dai nanggad ako mahihiro.

Salmo 95:1

Madya, awitan nyato an Kagurangnan; maogmang omawon ta an gapo nin satong kaligtasan!

Mga Talinhaga 10:25

Minaabot an bagyo asin ipinapalid an maraot, alagad an matanos danay na ligtas.

Isaias 26:4

Magsarig sa Kagurangnan sagkod lamang, huli ta an Kagurangnan Dios iyo an gapong mayong kataposan.

Isaias 28:16

Iyo ini ngunyan an sinasabi nin Kagurangnan Dios: “Mabugtak ako sa Sion nin sarong pundasyon na pusog saka makosog. Diyan ko ibubugtak an gapong patugmadan na nasusuratan kan mga tataramon, ‘An pagtubod na pusog matinios man.’

Isaias 59:19

Magpoon sa sirangan sagkod sa solnopan, an saiyang dakulang kapangyarihan, katatakotan kan gabos. Maabot siya siring sa sarong masulog na salog, arog sa sarong makosog na doros.

Nahum 1:8

Arog sa sarong masulog saka dakulang baha pinupuho niya an saiyang mga kaiwal; an mga minasalungat saiya isinusubol niya sa saindang kagadanan.

Lukas 6:47

Ipapahiling ko saindo kun siisay an kaagid kan tawong minadolok sako, saka minadangog dangan minakuyog kan sakong mga tataramon.

Lukas 6:49

Alagad an nagdadangog kan sakong mga tataramon saka dai nagkukuyog kaiyan, kaagid sa sarong tawo na nagtugdok nin harong alagad dai nagbugtak nin pundasyon. Pagbaha, hinampas kan tubig an harong asin narumpag tolos—grabe an pagkarumpag kaiyan!”

Juan 16:33

Sinabi ko ini saindo tanganing magkaigwa kamo nin katoninongan huli kan saindong pakikisumaro sako. Magkakaigwa kamo nin kasakitan digdi sa kinaban; alagad pakosoga an saindong boot, huli ta nadaog ko an kinaban!”

Mga Gibo 14:22

Pinakosog ninda an boot kan mga paratubod asin sinadol na magdanay sa pagtubod. Sinabihan pa ninda an mga parasunod, “Kaipuhan mag-agi kita nin dakul na kasakitan bago makalaog sa Kahadean nin Dios.”

Efeso 2:20

Kamo man pinatindog sa pundasyon na ibinugtak kan mga apostol saka kan mga propeta, na an gapong patugmadan iyo si Cristo Jesus mismo.

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.

Deuteronomio 32:18

Nalingawan ninda an Gapo nin saindang kaligtasan, an Dios na nagtao sainda nin buhay.

Deuteronomio 32:31

Naaaraman kan saindang mga kaiwal na maluya an saindang mga dios, bakong arog kakosog kan Dios nin Israel.

2 Timoteo 2:19

Alagad masarig an pundasyon na ibinugtak nin Dios, asin nasusurat sa ibabaw kaiyan an mga tataramon na ini: “Midbid nin Kagurangnan an mga tawong sadiri niya” asin, “An siisay man na nag-aapod sa ngaran nin Kagurangnan kaipuhan maglikay sa karatan.”

2 Pedro 1:10

Kaya, mga tugang, orog na magmahigos kamo sa pagpatotoo na talagang inapod saka pinili kamo nin Dios. Kun gibohon nindo ini dai kamo mahuhulog sa kasalan.

1 Juan 2:28

Ngunyan, mga aki, magdanay kamo saiya, tanganing pagdatong niya, makosog an satong boot asin dai kita magtago sa sopog.

Judas 1:24

Pag-omawon siya na makakaingat saindo sa pagkahulog, asin makakadara saindo na malinig asin maogma sa atubang nin saiyang kamurawayan,

1 Samuel 2:2

“Mayong arog kabanal ki sa Kagurangnan; mayo nin siisay man, kundi siya sana, mayong parasurog na arog sa satong Dios.