Lukas 6:38 - Marahay na Bareta Biblia

³⁸ Magtao kamo asin tatawan man kamo nin Dios; tamang takad, dasok, yinogyog asin nagsusupay an itatao saindo. Kun ano an sukol na ginamit nindo, iyo man an gagamiton saindo nin Dios.”

Lukas 6:38 ပူးပေါင်းရင်းမြစ်များ

2 Samuel 19:36

Dai ako maninigong mag-ako kan siring na balos. Kaya maiba sana ako saimo sagkod sa ibong kan Jordan.

Esther 7:10

Kaya binitay ninda si Haman sa bitayan na inandam niya para ki Mardokeo. Dangan napara an kaanggotan kan hade.

Esther 9:25

Alagad nagduman si Esther sa hade asin nagpaluwas an hade nin nasusurat na mga pagboot na gibohon ki Haman an maraot na plano kaini laban sa mga Judio. Binitay siya saka an saiyang mga aking lalaki.

An Libro ni Job 42:11

Dinalaw si Job kan gabos niyang tugang na lalaki saka babae asin mga dating katood; ipinahiling ninda an saindang pakidumamay saiya asin rinanga ninda siya sa gabos na kasakitan na dinara nin Kagurangnan saiya. An lambang saro nagtao saiya nin kwarta asin bulawan na singsing.

Salmo 79:12

An ibang nasyon makapitong beses mong padusahan, huli kan pagtuyatuya ninda saimo, Kagurangnan.

Exodo 21:24

mata sa mata, ngipon sa ngipon, kamot sa kamot, bitis sa bitis,

Mga Talinhaga 10:22

An bendisyon nin Kagurangnan nakakapayaman, asin dai niya iyan dinadagdagan nin kamondoan.

Mga Talinhaga 19:17

Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.

Mga Talinhaga 22:9

Magin matinao ka asin hirasan mo an dukha kan saimong kakanon. Huli kaiyan bebendisyonan ka.

Jeremias 32:18

Nagpahiling ka nin danay na pagkamoot sa rinibong tawo, alagad pinadusahan mo an mga aki huli kan kasalan kan saindang mga magurang. O dakula asin mapangyaring Dios, na an ngaran Kagurangnan nin mga hukbo,

Mateo 10:42

An siisay man na magpainom nin maski sarong basong tubig sa saro kan pinakasadit na disipulo ko huli ta siya sakong disipulo, totoong maako nin balos.”

Mateo 7:2

Huli ta huhusgaran kamo nin Dios siring kan paghusgar nindo; kun ano an sukol na ginagamit nindo, iyo man an gagamiton saindo.

Markos 4:24

Nagtaram pa siya sainda, “Pakatandaan nindo an saindong nadadangog! An sukol na ginagamit nindo sa iba, iyo man an gagamiton nin Dios saindo, asin orog pa.

Lukas 6:30

Tawan nindo an lambang naghahagad saindo. Kun may magkua nin anoman na sadiri nindo, dai na nindo iyan pagbawion.

Deuteronomio 15:10

Magmatinao kamo nin tudok sa puso asin bebendisyonan kamo nin Kagurangnan sa gabos nindong ginigibo.

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.

Hukom 1:7

Nagsabi si Adonibezek, “Setentang mga hade na pinurutolan nin mga tanggurangan sa kamot sagkod bitis an nagpurot kan mga rakdag sa irarom kan sakong lamesa; ngunyan ginibo man sako nin Dios an ginibo ko sainda.” Dinara siya ninda sa Jerusalem asin duman siya nagadan.