Lukas 6:35 - Marahay na Bareta Biblia

³⁵ Bakong arog kaiyan! Kundi kamotan nindo an saindong mga kaiwal asin gibohan nindo sinda nin marahay. Magpasubli kamo na dai naghahalat nin balos. Kun iyan an gibohon nindo, magkakaigwa kamo nin dakulang balos, asin magigin mga aki kamo kan Kahorohalangkawe. Huli ta marahayon siya sa mga mayo nin utang na boot asin sa mga makasadiri.

Lukas 6:35 ပူးပေါင်းရင်းမြစ်များ

Salmo 112:5

Paladan an tawo na matinao asin mapinasubli, na dai nagdadaya sa saiyang negosyo.

Salmo 145:9

Siya marahayon sa gabos asin maheherakon sa gabos niyang linalang.

Salmo 37:26

Sa gabos na panahon siya nagtatao asin nagpapasubli sa ibang tawo, asin nagigin mga bendisyon an saiyang mga aki.

Salmo 58:11

Masabi an mga tawo, “Totoong an mga matanos binabalosan; totoong may Dios na naghuhukom sa kinaban.”

Mga Talinhaga 19:17

Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.

Mga Talinhaga 22:9

Magin matinao ka asin hirasan mo an dukha kan saimong kakanon. Huli kaiyan bebendisyonan ka.

Mateo 5:9

“Paladan an mga parapatoninong huli ta aapodon sindang mga aki nin Dios!

Markos 5:7

saka nagkurahaw, “Ano an boot mo sako, Jesus aki nin Kahorohalangkaweng Dios? Sa ngaran nin Dios, nakikimaherak ako saimo, dai mo ako pagpasakitan!”

Lukas 1:32

Magigin dakula siya saka aapodon na Aki kan Kahorohalangkaweng Dios. Itatao saiya nin Kagurangnan na Dios an trono ni David na saiyang ginikanan.

Lukas 6:36

Magin maheherakon kamo arog kan saindong Ama.

Juan 13:35

Kun magkaminorootan kamo, maaaraman kan gabos na kamo mga disipulo ko.”

Juan 15:8

Napapamuraway an sakong Ama kun namumunga kamo nin dakul; iyan nagpapatotoo na kamo mga disipulo ko.

Mga Gibo 14:17

Alagad danay siyang nagpapahiling nin mga patotoo tanganing mamidbidan nindo siya sa paagi kan mga karahayan na ginigibo niya: pinapadarhan niya kamo nin uran, tinatawan nin marahay na ani sa tamang panahon saka tinatawan pa niya kamo nin kakanon asin pinapano nin kaogmahan an saindong puso.”

2 Corinto 8:9

Aram nindo an biyaya ni Jesu-Cristo na satong Kagurangnan: maski siya mayaman, nagpakadukha siya dahel saindo, tanganing magin mayaman kamo sa saiyang kadukhaan.

2 Timoteo 3:2

An mga tawo magigin makasadiri, makikwarta, mapaabaw-abaw, mapalangkaw; sinda magigin paramuda, masombikal sa mga magurang, dai tataong magromdom nin utang na boot, saka daing Dios na minimidbid;