Lukas 24:50 - Marahay na Bareta Biblia

⁵⁰ Dangan ipinag-iba sinda ni Jesus sa luwas kan syudad sagkod sa Betania. Pag-abot ninda duman, initaas niya an saiyang mga kamot saka benendisyonan sinda.

Lukas 24:50 ပူးပေါင်းရင်းမြစ်များ

Genesis 27:4

Iluto mo ako kan paborito kong putahe asin darahon mo sako tanganing magkakan ko; dangan bebendisyonan taka bago ako magadan.”

Genesis 48:9

Nagsimbag si Jose, “Sinda an sakong mga aki na itinao nin Dios sako digdi sa Egipto.” Nagsabi si Jacob, “Irani mo sinda sako tanganing mabendisyonan ko.”

Genesis 49:28

Iyo ini an doseng tribu nin Israel, asin iyo ini an sinabi kan saindang ama kan bendisyonan niya sinda; benendisyonan ni Israel an lambang saro sainda kan maninigong bendisyon.

Levitico 9:22

Kan matapos ni Aaron an pagdolot, itinaas niya an saiyang mga kamot asin benendisyonan an mga tawo, dangan naglusad siya.

Mateo 21:17

Binayaan sinda ni Jesus saka nagluwas sa syudad. Nagpasiring siya sa Betania asin duman nagpaaga.

Markos 10:16

Dangan kinugos niya an mga aki, saro-sarong benendisyonan sinda sa paagi kan pagbugtak kan kamot niya sa ibabaw kan payo ninda.

Markos 11:1

Kan nagdadangadang na sinda sa Jerusalem, harani sa Betfage asin sa Betania sa may Bukid nin mga Oliba, pinaenot ni Jesus an duwa kan saiyang mga disipulo

Lukas 24:51

Mantang benebendisyonan niya sinda, naghale siya asin dinara sa langit.

Mga Gibo 1:12

Nagbalik sa Jerusalem an mga apostol hale sa Bukid nin mga Oliba, na may sarong kilometro an distansya sa syudad.

Mga Gibo 1:9

Pakataram niya kaini, isinakat siya sa langit mantang naghihiling sinda saiya; dangan nalipodan siya nin panganoron.

1 Timoteo 2:8

Kaya mawot ko na sa lambang pagtiripon saen man na lugar, an mga lalaki dapat na mamibi, mag-itaas nin kamot, mayong raot sa boot o kaanggotan sa kapwa.

Josue 22:6

Bago sinda pinapuli ni Josue, benendisyonan niya sinda asin sinabihan, “Mayaman kamong mapuli, dara an dakul na hayop, plata, bulawan, bronse, lansang sagkod gubing. Hirasan nindo an saindong mga tugang kan mga bagay na nasamsam nindo sa saindong mga kaiwal!” Dangan nagpuli na sinda. Itinao ni Moises sa kabanga kan tribu ni Manases an daga sa sirangan kan Jordan, alagad itinao ni Josue sa kabanga pang tribu ni Manases an daga sa solnopan kan Jordan, sa kaibahan kan ibang mga tribu.