Lukas 24:47 - Marahay na Bareta Biblia

⁴⁷ sa ngaran niya ipaghuhulit sa gabos na tawo, poon sa Jerusalem, an pagbakle asin an kapatawadan nin mga kasalan.

Lukas 24:47 ပူးပေါင်းရင်းမြစ်များ

Genesis 12:3

Bebendisyonan ko an mga mabendisyon saimo, Asin isusumpa ko an mga masumpa saimo; Sa paagi mo, bebendisyonan ko man an gabos na nasyon sa daga.

Salmo 22:27

An mga poro kan daga makakagiromdom asin mabalik sa Kagurangnan; an gabos na pamilya kan mga nasyon magsasamba sa saiyang atubang.

Salmo 67:7

Benendisyonan kita nin Dios; matakot logod saiya an gabos na tawo sa kinaban.

Salmo 86:9

Madatong an gabos na nasyon na saimong linalang; mataong galang sa saimong atubang; asin mapamuraway kan saimong ngaran.

Isaias 11:10

Sa aldaw na iyan, an gamot ni Jesse matindog bilang sarong tanda para sa mga banwaan; hahanapon siya nin mga nasyon, asin magigin mamuraway an saiyang erokan.

Isaias 49:22

Nagsasabi an Kagurangnan Dios sa saiyang banwaan, “Uya, iiitaas ko an sakong kamot sa mga nasyon, asin iiitaas ko an sakong tanda sa mga banwaan; dangan dadarahon nindang papuli an saindang mga aking lalaki sa saindang daghan, saka an saindang mga aking babae sa saindang mga abaga.

Isaias 49:6

Sinabihan ako nin Kagurangnan, “Igwa ako nin mas mahalagang trabaho para saimo, sakong sorogoon. Bako sanang ibabalik mo an kadakulaan kan natadang mga Israelita, kundi gigibohon takang sarong ilaw para sa mga nasyon— tanganing makaligtas an bilog na kinaban.”

Isaias 5:4

Ano pa an dapat kong gibohon para sa sakong ubasan, na dai ko ginibo? Kan maghanap ako nin mahamis na ubas, tano ta maalsom an ubas na ibinunga kaiyan?

Isaias 52:10

Gagamiton nin Kagurangnan an banal niyang kapangyarihan; ililigtas niya an saiyang banwaan, asin mahihiling iyan kan bilog na kinaban.

Isaias 52:15

Alagad ngunyan mangalas saiya an dakul na nasyon, asin sa pagngalas maalo an mga hade. Huli ta mahihiling ninda an dai pa ninda nabaretaan, asin masasabotan ninda an dai pa ninda nadangog.”

Jeremias 31:34

Dai na ninda kaipuhan na tukdoan an lambang saro tanganing mamidbidan an Kagurangnan, huli ta gabos sinda, magpoon sa kasaradayan sagkod sa haralangkaw na tawo, makakamidbid sako. Papatawadon ko an saindang mga kasalan asin dai ko na gigiromdomon an mga gibo nindang maraot. Ako, an Kagurangnan, an nagtaram.”

Daniel 9:24

“Kwatro syentos nubentang taon an itinalaan nin Dios sa pagtalingkas sa saimong banwaan saka sa saimong syudad sa kasalan asin sa karatan. Papatawadon an kasalan asin papadanayon an hustisya, tanganing patotoohan an bisyon saka an propesiya, asin konsagrahon giraray an banal na Templo.

Oseas 11:8

“Mapapabayaan taka daw, O Israel? Matitios ko daw na bayaan ka? Pwede daw na raoton taka siring kan ginibo ko sa Adma, o gibohon saimo an ginibo ko sa Zeboiim? Dai minatugot an sakong puso na gibohon ko iyan! Dakula nin marahay an sakong pagkamoot saimo.

Oseas 2:23

Papadanayon ko an sakong banwaan sa daga asin papauswagon ko sinda. Ipapahiling ko an pagkamoot sa mga inapod “Dai Namotan,” asin sa mga nginaranan “Bako Kong Banwaan.” Masabi akong, “Kamo an sakong banwaan,” asin masimbag sindang, “Ika an samong Dios.”

Mikas 4:2

asin masarabi an saindang namamanwaan, “Magturukad kita sa bulod nin Kagurangnan, sa Templo kan Dios nin Israel. Tanganing matukdoan niya kita kan dapat tang gibohon asin maglakaw kita sa saiyang mga dalan. An katukdoan nin Kagurangnan naghahale sa Jerusalem; nagtataram siya sa saiyang banwaan hale sa Sion.”

Malakias 1:11

Inoomaw ako kan katawohan magpoon sa sarong poro kan kinaban sagkod sa ibong na poro kaiyan. Nagtututong sinda nin insenso sa sako saen man na lugar asin nagdodolot sinda nin maninigong mga sakripisyo. Gabos sinda nag-oomaw sako!

Mateo 28:19

Kaya paduman kamo sa gabos na tawo saen man na lugar; gibohon nindo sindang mga disipulo ko. Bunyagan nindo sinda sa ngaran nin Ama, nin Aki, asin nin Espiritu Santo.

Mateo 3:2

“Magbakle na kamo,” an sabi niya, “huli ta uya na an Kahadean nin langit!”

Mateo 9:13

Isip-isipa daw nindo kun ano an kahulogan kaini, ‘Pagkaherak an mawot ko, bakong atang.’ Dai ako nagdigdi sa pag-apod kan mga banal kundi kan mga parakasala.”

Lukas 13:34

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki arog kan paglukob nin sarong gunakan sa saiyang mga siwo, alagad habo ka!

Mga Gibo 10:43

An gabos na propeta nagpatotoo dapit ki Jesus, na an siisay man na minatubod saiya papatawadon kan mga kasalan huli sa ngaran niya.”

Mga Gibo 11:18

Kan madangog ninda ini, inontok ninda an pagtuyaw asin inomaw an Dios. Nagsabi sinda, “Kun siring, tinawan man nin Dios an mga pagano nin oportunidad na magsolsol tanganing magkamit nin buhay na daing kataposan!”

Mga Gibo 13:46

Alagad orog na nagkosog an boot ni Pablo asin ni Bernabe. Sinabihan ninda an mga tawo, “Kaipuhan na sa saindo ngona ipahayag an tataramon nin Dios. Alagad huli ta dai nindo iyan inako, asin dai nindo ibinilang an saindong mga sadiri na maninigo sa buhay na daing kataposan, maduman kami sa mga pagano.

Mga Gibo 2:38

Sinimbag sinda ni Pedro, “Magbakle kamo saka magpabunyag an lambang saro saindo sa ngaran ni Jesu-Cristo, tanganing patawadon kamo; dangan aakoon nindo an Espiritu Santo.

Mga Gibo 20:21

Pinatanidan ko an mga Judio saka an mga pagano na magbakle asin magbalik sa Dios patin magtubod sa satong Kagurangnan na Jesu-Cristo.

Mga Gibo 26:18

Mumuklaton mo an saindang mga mata nganing makahiling sinda nin liwanag asin makahale sa kadikloman; makatalingkas sa kapangyarihan ni Satanas dangan makabalik sa Dios. Aakoon ninda an kapatawadan kan saindang mga kasalan asin an sarong lugar sa kaibahan kan mga pinabanal huli sa pagtubod sako.’

Mga Gibo 26:20

Naghulit ako, enot sa Damasco, sunod sa Jerusalem dangan sa bilog na rehiyon nin Judea. Naghulit man ako sa mga pagano, tanganing magbakle saka magbalik sinda sa Dios, asin ipahiling sa gibo na sinda nagbakle.

Mga Gibo 28:28

Nagsabi pa si Pablo, “Kaya, dapat nindong maaraman na an mensahe nin Dios dapit sa kaligtasan ipinadara sa mga pagano; mahinanyog sinda!” [

Mga Gibo 3:19

Kaya magbakle kamo asin magbalik sa Dios, tanganing patawadon niya an saindong mga kasalan, saka tawan kamo kan Kagurangnan nin kosog na espiritwal,

Mga Gibo 4:12

An kaligtasan makukua sana ki Jesu-Cristo; mayo na nin ibang ngaran na itinao an Dios sa bilog na kinaban na makakaligtas sato.”

Mga Gibo 5:31

Ilinangkaw siya nin Dios sa too niyang kamot bilang Lider asin Paraligtas, tanganing tawan an mga Israelita nin panahon na makapagbakle asin mapatawad an saindang mga kasalan.

Roma 5:20

An Katogonan itinao tanganing dugangan an kasalan; alagad mantang nagdadagdag an kasalan, nag-oorog man an biyaya nin Dios.

Efeso 1:6

Omawon ta an Dios dahel kan saiyang nagsusupay na biyaya na itinao niya sato bilang regalo na yaon sa namomotan niyang Aki!

Efeso 3:8

Ako an pinakamenos sa gabos na mga banal. Alagad itinao sako an biyaya nin paghulit kan Marahay na Bareta sa mga pagano dapit sa daing sukol na kayamanan ni Cristo,

Colosas 1:27

Binoot nin Dios na ipahayag sa sainda kun gurano kadakula sa mga pagano an kayamanan kan kamurawayan kan misteryong ini. An misteryo iyo ini: si Cristo nasa saindo, saindong paglaom sa kamurawayan.

1 Juan 2:12

Sinusuratan ko kamo, mga aki ko, huli ta an saindong mga kasalan pinatawad na dahel ki Cristo.