Lukas 23:38 - Marahay na Bareta Biblia

³⁸ Igwa nin nakasurat sa may pamayohan niya (sa tataramon na Griyego, Latin saka Hebreyo), “Ini an Hade kan mga Judio.”

Lukas 23:38 ပူးပေါင်းရင်းမြစ်များ

Mateo 2:2

Naghapot sinda, “Haen an omboy na namundag na magigin hade kan mga Judio? Nahiling mi an saiyang bitoon sa sirangan kaya nagdigdi kami nganing sambahon siya.”

Mateo 27:11

Inatubang si Jesus sa gobernador na iyo an naghapot saiya, “Ika an hade kan mga Judio?” Nagsimbag si Jesus, “Ika na an nagsasabi.”

Mateo 27:37

Ibinugtak ninda an nakasurat na sumbong saiya sa may itaas kan saiyang payo. An nakasurat iyo ini: “Ini si Jesus, an Hade kan mga Judio.”

Markos 15:18

Dangan nagpoon sindang mag-omaw saiya. “Mabuhay an Hade kan mga Judio!”

Markos 15:26

Isinurat ninda sa itaas kan krus an sumbong tumang saiya, “An Hade kan mga Judio.”

Markos 15:32

Hilingon ta daw na maghilig ngunyan sa krus an Cristo, na hade kan Israel, asin matubod kita saiya!” Pinag-olog-olog man siya kan mga kaiba niyang nakapako.

Lukas 23:3

Hinapot siya ni Pilato, “Ika an hade kan mga Judio?” “Ika na an nagsasabi,” an simbag ni Jesus.

Juan 19:3

Rinanihan siya ninda saka sinabihan, “Mabuhay an Hade kan mga Judio!” Dangan pinagparasampaling siya ninda.