Lukas 22:35 - Marahay na Bareta Biblia

³⁵ Dangan sinabihan sinda ni Jesus, “Kan sugoon ko kamo na mayong darang pitaka, bag, o sandalyas, nagkulang daw kamo nin anoman?” “Dai,” an simbag ninda.

Lukas 22:35 ပူးပေါင်းရင်းမြစ်များ

Genesis 48:15

Dangan benendisyonan niya si Jose: “Bendisyonan logod an mga aking ini nin Dios na pinaglingkodan kan sakong mga magurang na si Abraham asin si Isaac! Bendisyonan logod an mga aking ini nin Dios na nangenot sako sagkod ngunyan!

1 Mga Hade 11:22

“Igwa daw ako nin pagkukulang saimo kaya boot mong magbalik sa saimong banwa?” an hapot kan hade. “Tugote sana akong magbalik,” an simbag ni Hadad sa hade. Kaya nagbalik siya sa saiyang daga. Bilang hade nin Edom, si Hadad nagin maraot saka makuring kaiwal nin Israel.

Salmo 23:1

An Kagurangnan iyo an sakong pastor; daing ano man na magkukulang sako.

Salmo 37:3

Magsarig ka sa Kagurangnan asin maggibo nin matanos; tanganing mag-erok ka sa daga, asin magin ligtas.

Lukas 10:4

Dai kamo magdara nin pitaka, bag o sandalyas; dai kamo magtaong galang sa kiisay man sa dalan.

Lukas 22:34

Nagsimbag si Jesus, “Sinasabihan taka, Pedro, ngunyan mismong banggi, bago magturaok an manok, tolong beses kang manegar na midbid mo ako.”

Lukas 22:36

Nagsabi si Jesus, “Alagad ngunyan, an siisay man saindo na igwa nin pitaka o bag dapat na magdara kaiyan; an mayo nin espada dapat ipabakal an gubing niya tanganing bumakal nin espada.

Lukas 9:3

Tinugon niya sinda, “Sa paglakaw nindo, dai kamo magdara nin sugkod, bag, pagkakan, kwarta o sanglean.

2 Corinto 8:15

Siring sa nasusurat, “An nagtipon nin dakul mayo nin sobra; an nagtipon nin dikit mayo nin kulang.”

Deuteronomio 8:16

Sa kalangtadan, pinakakan niya kamo nin manna, pagkakan na dai pa nanamitan kan saindong mga ginikanan. Pinasakitan niya kamo sa pagbalo saindo, tanganing sa kataposan, tawan niya kamo nin mga marahay na bagay.