Lukas 22:30 - Marahay na Bareta Biblia

³⁰ makakan saka mainom kamong kasabay ko sa Kahadean ko. Matukaw kamo sa mga trono sa paghukom sa doseng tribu nin Israel.”

Lukas 22:30 ပူးပေါင်းရင်းမြစ်များ

2 Samuel 19:28

An gabos na kaayon sa pamilya nin sakong ama maninigo kutanang gadanon kan mahal na hade, alagad ipinag-iba mo ako sa mga nagkakarakan sa saimong lamesa. Mayo akong deretso na maghagad pa nin ibang karahayan sa mahal na Hade.”

Salmo 49:14

Arog kan mga karnero, magagadan man sinda; an Kagadanan iyo an saindang magigin pastor. Dadaogon sinda kan mga matanos, mantang an saindang mga hawak naglalapa sa lugar nin mga gadan, harayo sa saindang mga harong!

Mateo 19:28

Nagsimbag si Jesus, “Sa katotoohan sinasabihan ko kamo, sa Bagong Kinaban, kun an Aki nin Tawo magtukaw na sa saiyang mamurawayon na trono, kamo na mga disipulo ko matukaw man sa doseng trono, sa paghukom kan doseng tribu nin Israel.

Mateo 5:3

“Paladan an mga dukha sa espiritu, huli ta sainda an Kahadean nin langit!

Mateo 8:11

Sa katotoohan sinasabihan ko kamo, dakul an maabot hale sa sirangan asin sa solnopan; dangan makakan kaiba ni Abraham, ni Isaac asin ni Jacob sa Kahadean nin langit.

Lukas 12:37

Paladan an mga sorogoon na maabotan kan saindang kagurangnan na bakong torog! Sa katotoohan sinasabihan ko kamo, maandam an kagurangnan nin kakanon, papatukawon sinda saka paglilingkodan.

Lukas 14:15

Nadangog ini kan saro sa mga kasabay niyang magkakan asin nagsabi ki Jesus, “Paladan an mga matukaw sa bangkete duman sa Kahadean nin Dios!”

2 Timoteo 2:12

kun kita makatagal, maghahade man kita kaiba niya; kun negaran ta siya, nenegaran man niya kita;

Santiago 1:1

Surat na hale ki Santiago na sorogoon nin Dios asin ni Jesu-Cristong Kagurangnan. Pangongomusta sa doseng tribu na nasa pagkawarak.

Kapahayagan 19:9

Nagsabi sako an anghel, “Isurat mo ini: Paladan an mga imbitado sa bangkete sa kasal kan Kordero.” Nagtaram pa an anghel, “Ini an mga totoong tataramon nin Dios.”

Kapahayagan 3:21

An mga manggagana kataed kong patutukawon sa sakong trono, arog sako na nanggana, kaya ngunyan nagtutukaw ako kataed kan sakong Ama sa saiyang trono.

Kapahayagan 4:4

Napapalibotan an tronong iyan nin beynte y kwatrong trono na may nakatukaw na beynte y kwatrong kamagurangan, na mga nakagubing nin puti saka may mga koronang bulawan.