Lukas 21:1 - Marahay na Bareta Biblia

¹ Nangalagkalag si Jesus asin namasdan niya an mga mayaman na naghuhulog kan saindang mga dolot sa lalagan nin limos kan Templo.

Lukas 21:1 ပူးပေါင်းရင်းမြစ်များ

1 Mga Hade 14:26

Kinua niya an gabos na kayamanan sa Templo asin sa palasyo, sagkod an mga kalasag na bulawan na ginibo ni Solomon.

2 Mga Hade 12:9

Dangan nagkua si Jehoiada nin sarong kahon, linabotan an takop, asin ibinugtak idto sa kataed kan altar, sa toong parte palaog sa Templo. Digdi ilinalaog kan padi na nagbabantay sa pintoan an gabos na kwarta na itinao kan mga parasamba.

2 Mga Hade 24:13

asin dinara sa Babilonia an gabos na kayamanan sa Templo saka sa palasyo. Siring kan ipinahayag kaidto nin Kagurangnan, pinarasa ni Nebukadnezzar an bulawan na mga kagamitan sa Templo na ipinagibo ni Hadeng Solomon.

2 Mga Cronica 36:18

Sinamsaman kan hade nin Babilonia an Templo nin Kagurangnan; dinara niya sa Babilon an gabos na kayamanan sa Templo, siring man an kayamanan kan hade asin kan mga opisyal kaini.

Nehemias 13:13

Bilang parapamahala kan mga kwartong sarayan, ibinugtak ko si Selemias na sarong padi, si Zadok na sarong paratukdo kan Katogonan, asin si Pedaias na sarong Levita. Si Hanan na aking lalaki ni Zaccur saka makoapo ni Mattanias iyo an katabang ninda. Aram kong an mga tawong ini maimbod sa paghiras ninda kan mga kakanon para sa saindang mga tugang.

Mateo 27:6

Pinonpon kan mga poon na padi an kwarta asin nagsabi, “Sala sa Katogonan na ilaog an kwartang ini sa kaban nin yaman huli ta kabayadan ini nin dugo.”

Lukas 20:47

Inuubos ninda an mga rogaring kan mga babaeng balo, dangan sagin-sagin na namimibi nin halawig. Mas magabat an padusa sainda!”

Juan 8:20

Sinabi ni Jesus an mga bagay na ini kan nagtutukdo siya sa Templo, harani sa lugar na namumugtakan kan lalagan kan limos. Mayong nangahas na magdakop saiya, huli ta dai pa nag-abot an saiyang oras.

Josue 6:19

Lalaenon para sa Kagurangnan an gabos na bagay na gibo sa plata, bulawan, bronse o lansang. Ibubugtak iyan sa kaban nin yaman nin Kagurangnan.”

Josue 6:24

Dangan sinulo ninda an syudad asin an gabos na yaon duman, pwera an mga bagay na gibo sa bulawan, plata, bronse asin lansang na kinua ninda saka ibinugtak sa kaban nin yaman nin Kagurangnan.