Lukas 20:47 - Marahay na Bareta Biblia

⁴⁷ Inuubos ninda an mga rogaring kan mga babaeng balo, dangan sagin-sagin na namimibi nin halawig. Mas magabat an padusa sainda!”

Lukas 20:47 ပူးပေါင်းရင်းမြစ်များ

Isaias 10:2

Siring kaiyan an pag-olang nindo sa mga dukha tanganing dai ninda makamtan an katanosan asin an hustisya. Iyan an paagi nindo sa pagkua kan mga rogaring kan mga balong babae saka mga ilo.

Ezekiel 22:7

Mayo nin siisay man sa syudad na minagalang sa saiyang mga magurang. Dinadaya nindo an mga dayuhan asin inaabuso an mga babaeng balo saka mga ilo.

Ezekiel 33:31

Kaya nagtitiripon sa pagdangog saimo an sakong banwaan, alagad dai ninda gigibohon an ipinapagibo mo. Oomawon ninda an saimong itinataram, alagad magpapadagos sinda sa saindang kapasloan.

Amos 2:7

Tinitimaktimakan ninda sa alpog an payo kan mga dukha asin itinutuklang ninda paluwas sa dalan an mga daing sukat. Dinodorogan nin mag-ama an babaeng oripon, kaya linalanghadan ninda an sakong ngaran.

Mikas 2:2

Kun mawot ninda an kaomahan, inaagaw ninda iyan; kun mga harong an mawot ninda, kinukua ninda iyan. Bako nang ligtas an pamilya o pagsadiri nin sarong tawo.

Mikas 2:8

Nagsisimbag an Kagurangnan, “Sinasalakay nindo an sakong banwaan siring sa mga kaiwal. Minapuruli an mga lalaki hale sa pakilaban, naghohona na ligtas sinda sa saindang harong, alagad yaon kamo duman, naghahalat tanganing habonon an saindang gubing.

Mikas 3:2

alagad naoongisan nindo an matanos asin namomotan an karatan. Inaanitan nindo an sakong banwaan dangan hinahaklas an laman hale sa saindang mga tolang.

Mateo 23:13

“Herak man saindo, mga paratukdo kan Katogonan asin mga Fariseo! Mga parasagin-sagin! Sineserahan nindo sa mga tawo an Kahadean nin langit. Kamo mismo dai minalaog asin inoolang pa nindo an boot lumaog! (

Mateo 23:14

“Herak man saindo, mga paratukdo kan Katogonan asin mga Fariseo! Mga parasagin-sagin! Kinukuahan nindo nin pagkabuhay an mga balo, asin sagin-sagin na namimibi kamo nin halawig. Huli kaini, orog na magabat an padusa saindo!)

Markos 12:40

Inuubos ninda an mga rogaring kan mga babaeng balo, dangan sagin-sagin na namimibi nin halawig. Mas magabat an padusa sainda!”

Lukas 12:1

Mantang rinibong tawo an nagkatiripon, mala ta nagkakatorongtongan na sinda, enot na tinaraman ni Jesus an mga disipulo, “Mag-ingat kamo sa lebadura kan mga Fariseo na iyo an pagsagin-sagin.

Lukas 20:46

“Mag-ingat kamo sa mga paratukdo kan Katogonan, na boot maglibot na nakasulot nin halabang gubing, asin pagtawan nin galang sa mga plasa; boot nindang magtukaw sa mga piling tukawan sa mga sinagoga asin magkabisero sa mga bangkete.

Lukas 21:1

Nangalagkalag si Jesus asin namasdan niya an mga mayaman na naghuhulog kan saindang mga dolot sa lalagan nin limos kan Templo.

1 Tesalonica 2:5

Aram nindong dai kami sagin-sagin na nag-omaw saindo, ni naggamit nin mga tataramon sa pagdaya nganing magkakwarta. Saksi mi an Dios!

Tito 1:16

Nagsasabi sindang midbid ninda an Dios, alagad salungat sa sinasabi ninda an saindang gibo. Makauuyam sinda saka mga masombikal; dai nanggad makakagibo nin anoman na marahay.

Santiago 3:1

Mga tugang ko, dai dapat na magkaigwa diyan saindo nin dakul na paratukdo, huli ta aram nindo na kaming mga paratukdo huhukoman nin orog na makuri ki sa iba.