Lukas 20:36 - Marahay na Bareta Biblia

³⁶ Dai na sinda magagadan, huli ta magigin arog na sinda sa mga anghel. Sinda mga aki nin Dios, huli ta nabuhay sinda liwat.

Lukas 20:36 ပူးပေါင်းရင်းမြစ်များ

Isaias 25:8

Hahalonon nin Kagurangnan Dios an kagadanan sagkod pa man, asin papahidon niya an mga luha sa gabos na lalawogon patin hahaleon niya an kasosopgan na tinios kan saiyang banwaan sa bilog na kinaban. An Kagurangnan an nagtaram!

Oseas 13:14

Dai ko ililigtas an banwaan na ini sa kinaban kan mga gadan o sa kapangyarihan nin kagadanan. Kagadanan, padagosa an pagpapasakit mo! Kinaban kan mga gadan, padagosa an panggagaba mo! Dai ko na nanggad maheherakan an banwaan na ini.

Zacarias 3:7

an Kagurangnan nin mga hukbo nagtaram: “Kun kukuyogon mo an sakong mga togon dangan susunodon an mga katongdan na itinao ko saimo, magpapadagos ka bilang parapamahala kan sakong Templo saka mga patyo kaiyan. Dadangogon ko an saimong mga pamibi, siring na dinadangog ko an mga pamibi kan mga anghel na nasa atubangan ko.

Mateo 22:30

Huli ta sa pagkabuhay liwat dai na sinda mag-aaragoman; magigin arog sinda sa mga anghel sa langit.

Markos 12:25

Huli ta sa pagkabuhay-liwat dai na sinda mag-aaragoman; magigin arog sinda sa mga anghel sa langit.

Roma 8:16

An Espiritu mismo an nagpapatotoo, kaiba kan satong espiritu, na kita mga aki nin Dios.

1 Corinto 15:26

An huring kaiwal na dadaogon iyo an kagadanan.

1 Corinto 15:42

Magigin siring kaini an mga gadan sa pagkabuhay liwat. An hawak na ilinubong nalalapa; alagad an hawak sa pagkabuhay liwat, dai malalapa sagkod pa man.

1 Corinto 15:49

Kun paanong kabaing kita kan tawo na hale sa daga, siring man, makakabaing kita kan Tawo na hale sa langit.

Filipos 3:21

Riribayan niya an satong malalapaon na hawak, asin gigibohon niyang arog kan saiyang mamurawayon na hawak, sa paagi kan kapangyarihan na ginagamit niya sa pagsakop kan gabos.

Kapahayagan 20:6

Paladan asin banal an makaiba sa enot na pagkabuhay liwat! An ikaduwang kagadanan dai nin kapangyarihan sainda; magigin sindang mga padi nin Dios asin ni Cristo; maghahade sinda kaiba niya sa laog nin sangribong taon.

Kapahayagan 21:4

Papahidon niya an gabos nindang luha. Mayo na nin kagadanan, kamondoan, pagtangis o kasakitan, huli ta napara na an mga daan na bagay.”

Kapahayagan 22:9

Alagad sinaway niya ako, “Dai mo iyan paggibohon! Sorogoon man akong arog saimo asin kan saimong mga tugang na propeta saka kan gabos na nagkukuyog kan mga tataramon sa librong ini. Sambahon mo an Dios!”