Lukas 20:28 - Marahay na Bareta Biblia

²⁸ “Maestro, nagsurat si Moises kaining pagboot para sato, ‘Kun magadan an sarong lalaki dangan mabayaan an agom niya na mayong aki, kaipuhan agomon kan tugang niyang lalaki an balo, tanganing magkaaki sinda para sa nagadan niyang tugang.’

Lukas 20:28 ပူးပေါင်းရင်းမြစ်များ

Genesis 38:11

Dangan sinabihan ni Juda si Tamar na saiyang manugang, “Magbalik ka sa harong kan saimong ama asin magdanay ka sa pagkanibalo sagkod na magdakula an aki kong si Shela.” Sinabi niya ini huli ta natakot siyang magadan man si Shela arog kan mga tugang kaini. Kaya nagpuli si Tamar asin nag-erok sa harong kan saiyang ama.

Genesis 38:26

Namidbidan an mga ini ni Juda asin nagsabi siya, “Orog na matanos siya ki sa sako, huli ta dai ko siya itinao sa aki kong si Shela bilang agom.” Dai na nanggad dinorogan ni Juda si Tamar.

Genesis 38:8

Sinabihan ni Juda si Onan, “Dorogi an balo kan saimong tugang, asin otoba an katongdan nin sarong bayaw tanganing magkaigwa nin aki an saimong tugang.”

Lukas 20:29

Igwa kaidto nin pitong magturugang na lalaki. An pinakamatua nag-agom, alagad nagadan na mayong aki.