Lukas 20:20 - Marahay na Bareta Biblia

²⁰ Kaya naghalat sinda nin ibang oportunidad na magibo iyan. Sinuholan ninda an nagkapirang tawo na magsagin-sagin, dangan isinubol an mga ini na pataluksohon si Jesus tanganing madara siya sa awtoridad asin kapangyarihan kan gobernador.

Lukas 20:20 ပူးပေါင်းရင်းမြစ်များ

2 Samuel 14:2

kaya ipinaapod niya an sarong madonong na babae na nag-eerok sa Tekoa. Pag-abot kan babae, sinabihan siya ni Joab, “Magsagin-sagin kang nagmomondo; magsulot ka kan saimong gubing na pangmondo, asin dai mo pagsukrayon an saimong buhok. Magsagin-sagin kang sarong babaeng halawig na panahon nang nagmomondo para sa gadan;

Salmo 38:12

Mga litag ibinubugtak kan mga boot sakong gumadan, an mga boot magkulog sako nagsasabi nin karatan; sa maghapon, an pagpasaluib sako iyo an kamawotan.

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Salmo 81:15

Sa atubang ko, maduko sa takot an mga naaanggot sako; an saindang padusa magdadanay sagkod lamang.

Jeremias 11:19

Garo ako mahuyong kordero na dinara pasiring sa bunoan, asin dai ko aram na laban sako an pinaplano nindang karatan. Nagsabi sinda, “Palodon ta an kahoy mantang namumunga; gadanon ta siya tanganing mayo na nin makagiromdom saiya.”

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 20:10

Nadadangog kong naghihinghing an lambang saro, “An katakotan yaon sa gabos na lugar! Kaya isumbong ta siya sa mga awtoridad!” Maski an harani kong mga katood nagmamawot kan sakong kapahamakan. “Tibaad pwede siyang madaya,” an sabi ninda; “dangan madadakop saka mababalos ta siya.”

Daniel 6:4

Huli kaini pinagparahingowa kan ibang mga parapamahala saka kan mga gobernador na makakua nin ikakasumbong laban ki Daniel dapit sa saiyang pagpalakaw kan imperyo, alagad mayo sindang nakukua, huli ta maimbod si Daniel asin dai naggigibo nin sala o nandadaya.

Mateo 27:2

Ginapos ninda si Jesus saka dinara sa gobernador na si Pilato.

Markos 3:2

Binantayan si Jesus kan nagkapirang tawo duman kun bobolongon niya an lalaki sa aldaw na Sabbath tanganing ikasumbong ninda siya.

Lukas 11:54

tanganing madakop siya ninda sa saiya man sanang tataramon.

Lukas 20:21

Naghapot an mga ini ki Jesus, “Maestro, aram mi na tama an mga sinasabi saka mga itinutukdo mo. Aram mi man na mayo kang pinapalaen na tawo, kundi itinutukdo mo an kabotan nin Dios.

Lukas 20:26

Dai nanggad ninda napatalukso si Jesus sa mga sinabi niya sa atubang nin mga tawo. Napangalas sinda kan mga simbag niya, kaya dai sinda nakagirong.

2 Pedro 2:3

Huli sa saindang kapasloan, dadayaon ninda kamo sa paagi nin putik na katukdoan; alagad haloy nang andam an hatol sa sainda asin an magadan sainda dai nagtotorog!