Lukas 19:46 - Marahay na Bareta Biblia

⁴⁶ Sinabihan niya sinda, “Nasusurat: ‘An sakong harong, harong nin pamibi.’ Alagad ginibo nindo ining lungib nin mga parahabon!”

Lukas 19:46 ပူးပေါင်းရင်းမြစ်များ

Salmo 93:5

An saimong mga togon mayo nin kataposan, Kagurangnan, asin totoong banal an saimong Templo, sa panahon na daing kataposan.

Isaias 56:7

“Dadarahon ko kamo sa Sion, an sakong banal na bukid, tatawan ko nin kaogmahan sa sakong harong nin pamibian, asin aakoon ko an mga sakripisyo na idinodolot nindo sa sakong altar. An sakong Templo aapodon na harong nin pamibian para sa gabos na banwaan.”

Jeremias 7:11

Naghohona daw kamo na an sakong Templo tagoan nin mga mahabon? Nahihiling ko an saindong ginigibo.

Ezekiel 43:12

Iyo ini an togon manongod sa Templo: An bilog na teritoryo sa palibot kaini sa alitoktok kan bukid sagrado asin banal.”

Oseas 12:7

Nagsasabi an Kagurangnan, “Bakong onesto an banwaan nin Israel arog kan mga taga Canaan; nandadaya sinda huli sa paggamit nin may dayang timbangan.

Mateo 21:13

Sinabihan niya sinda, “Nasusurat, ‘An sakong harong aapodon harong nin pamibi.’ Alagad ginigibo nindo ining lungib nin mga mahabon!”

Mateo 23:13

“Herak man saindo, mga paratukdo kan Katogonan asin mga Fariseo! Mga parasagin-sagin! Sineserahan nindo sa mga tawo an Kahadean nin langit. Kamo mismo dai minalaog asin inoolang pa nindo an boot lumaog! (

Markos 11:17

Dangan nagtukdo siya sa mga tawo, “Bakong nasusurat, ‘An sakong harong aapodon harong nin pamibi para sa gabos na nasyon’? Alagad ginibo nindo ining lungib nin mga parahabon!”