Lukas 18:39 - Marahay na Bareta Biblia

³⁹ Inanggotan siya kan mga tawong nasa enotan asin pinaalo. Alagad orog siyang nagkurahaw, “Aki ni David! Kaheraki man ako!”

Lukas 18:39 ပူးပေါင်းရင်းမြစ်များ

Salmo 141:1

Nag-aapod ako saimo, Kagurangnan, paghumare sa pagtabang sako! Dangoga ako kun minaapod ako saimo!

Mateo 7:7

“Maghagad kamo asin tatawan kamo; maghanap asin makukua nindo; tumuktok asin bubuksan kamo.

Mateo 8:26

Sinabihan sinda ni Jesus, “Tadaw ta natatakot kamo? Mga maluya an pagtubod!” Nagbangon si Jesus, pinagbotan niyang magkalma an doros saka an alon, dangan nagkaigwa nin dakulang katoninongan.

Mateo 9:27

Kan si Jesus naglalakaw pakahale sa lugar na idto, may nagsunod saiyang duwang buta. Nagkurahaw sinda, “Aki ni David, kaheraki man kami!”

Lukas 11:52

“Herak man saindo, mga abogado! Huli ta tinago nindo an lyabe nin pakasabot; kamo mismo dai naglaog asin inolang pa nindo an boot maglaog!”

Lukas 18:1

Dangan nag-osipon sainda si Jesus nin sarong parabola, tanganing tukdoan sinda na danay na mamibi asin dai mahalean nin paglaom.

Lukas 18:15

May nagkapirang tawo na nagdara kan saindang mga aki ki Jesus tanganing saiyang bendisyonan. Nahiling sinda kan mga disipulo kaya inanggotan sinda.

Lukas 18:38

Nagkurahaw siya, “Jesus! Aki ni David! Kaheraki man ako!”

Lukas 18:40

Nag-ontok si Jesus, dangan nagboot na darahon saiya an buta. Kan harani na saiya an buta, hinapot niya,

Lukas 19:39

Dangan sinabihan si Jesus kan nagkapirang Fariseo na kaiba kan mga tawo, “Maestro, sawayon mo an saimong mga disipulo!”

Lukas 8:49

Nagtataram pa si Jesus kan umabot an sarong tawo hale sa harong ni Jairo. “Gadan na an aki mo,” an sabi niya ki Jairo, “dai mo na pag-abalahon an maestro.”

2 Corinto 12:8

Tolong beses akong namibi sa Kagurangnan na paomayan niya ako.