Lukas 18:3 - Marahay na Bareta Biblia

³ Igwa man sa banwaan na idto nin sarong babaeng balo na nagpaparabalik-balik sa hukom na ini huli ta naghahagad nin tabang sa kaso niya tumang sa sarong kaiwal.

Lukas 18:3 ပူးပေါင်းရင်းမြစ်များ

An Libro ni Job 22:9

Isinubol mong mayo nin dara an mga babaeng balo, asin hinabonan saka inapi mo an mga ilo.

An Libro ni Job 29:13

Benebendisyonan ako kan tawong madali nang magadan, asin ginigibo kong mag-awit sa kaogmahan an babaeng balo.

Isaias 1:17

mag-adal ka sa paggibo nin karahayan papaghadea an katanosan, ontoka an pang-aapi; suroga an mga ilo, asin an mga babaeng balo.

Jeremias 5:28

nagin mataba saka mabaskog. Mayo nin kataposan an gibo nindang katampalasanan. Dai ninda ginagalangan an deretso kan mga ilo, ni pinapahilingan nin hustisya an mga naaapi.

Mateo 5:25

“Kun may tawong masangat nin kaso tumang saimo asin dinadara ka sa husgado, makiareglo ka saiya mantang igwa pa nin oras, bago kamo umabot sa husgado. Ta kun dai, itatao ka niya sa hukom, na iyo an matao saimo sa pulis na malaog saimo sa bilanggoan.

Lukas 18:2

Nagsabi siya, “May sarong hukom sa sarong banwaan na dai natatakot sa Dios saka mayong ginagalangan na siisay man na tawo.

Lukas 18:4

Haloy nang nagparasayuma an hukom, alagad sa kahuri-hurihi nagsaboot siya, ‘Dawa dai ako natatakot sa Dios, saka mayong ginagalangan na siisay man na tawo,

Lukas 18:5

alagad huli ta dai ako inoontokan kan balong ini, gigibohon ko na sana an hinahagad niya, tanganing dai na niya ako pagpurisawon.’”

Deuteronomio 27:19

“‘Maldisyonon an siisay man na magbiko kan katanosan nin sarong nakikihimanwa, ilo, asin babaeng balo.’ “Dangan an bilog na banwaan masimbag, ‘Amen!’