Lukas 17:26 - Marahay na Bareta Biblia

²⁶ Kun ano an nangyari kan panahon ni Noe iyo man an mangyayari sa mga aldaw kan Aki nin Tawo.

Lukas 17:26 ပူးပေါင်းရင်းမြစ်များ

Genesis 6:5

Kan nahiling nin Kagurangnan an kadakulaan kan karatan kan mga tawo sa kinaban asin an karigsokan kan saindang kaisipan sa gabos na panahon,

Genesis 6:7

Kaya nagtaram siya, “Paparaon ko ining mga tawo na sakong linalang asin an mga hayop patin an mga gamgam, huli ta nagbabasol ako kun tadaw ta ginibo ko pa sinda.”

Genesis 6:8

Alagad nawilihan nin Kagurangnan si Noe.

Isaias 22:13

Alagad, nagngisi kamo asin nag-ogma. Nagbuno kamo nin karnero saka baka tanganing kakanon, asin nag-inom kamo nin arak. Nagsabi kamo, “Magkakan kita asin mag-inom, huli ta sa aga magagadan kita.”

Lukas 17:22

Dangan nagsabi siya sa mga disipulo, “Maabot an panahon na mamawoton nindong mahiling an saro kan mga aldaw kan Aki nin Tawo, alagad dai nindo iyan mahihiling.

Lukas 17:24

Siring na an kikilat minasilyab hale sa sarong poro sagkod sa ibong na poro kan kalangitan, arog man kaiyan an pag-abot kan Aki nin Tawo.

Lukas 17:27

Kan panahon na idto, sige sana an karakanan, irinoman, asin aragoman kan mga tawo sagkod sa aldaw na si Noe naglaog sa arka. Dangan nag-abot an baha asin nalamos sinda gabos.

Lukas 17:7

“Halimbawa igwa kamo nin sorogoon na nag-aarado o nagaataman nin mga karnero. Pag-abot niya hale sa oma, aalokon daw nindo siyang magkakan?

Lukas 18:8

Alagad pagdigdi kan Aki nin Tawo, makakakua daw siya nin pagtubod sa kinaban?”

Hebreyo 11:7

Huli sa pagtubod, dinangog ni Noe an mga patanid nin Dios dapit sa mga bagay na mangyayari asin dai pa niya nahihiling. Kinuyog niya an Dios, saka naggibo siya nin arka na maligtas saiya asin kan bilog niyang pamilya. Huli kaini, hinatolan an kinaban asin nagin paramana siya kan katanosan na bunga kan pagtubod.

2 Pedro 2:5

An kinaban kaidto dai man pinaligtas nin Dios, kundi pinalantopan niya nin baha an mga maraot na tawo. Si Noe sana na naghulit dapit sa katanosan an nakaligtas, kaiba an pito katawo.

2 Pedro 3:6

Huli man sa tubig—an dakulang baha—nalaglag an daan na kinaban.