Lukas 17:24 - Marahay na Bareta Biblia

²⁴ Siring na an kikilat minasilyab hale sa sarong poro sagkod sa ibong na poro kan kalangitan, arog man kaiyan an pag-abot kan Aki nin Tawo.

Lukas 17:24 ပူးပေါင်းရင်းမြစ်များ

Ezekiel 1:14

Pabalik-balik man na minahiro an mga linalang na arog karikas sa kikilat.

Zacarias 9:14

An Kagurangnan matunga sa ibabaw kan saiyang banwaan; garo kikilat na bubutasan niya an saiyang mga bosog. Papatanogon kan Kagurangnan Dios an trompeta, dangan mamartsa siya sa mga bagyong hale sa habagat.

Mateo 24:27

Huli ta an Aki nin Tawo madigdi siring sa kikilat na minaliwanag hale sa sirangan sagkod sa solnopan.

Mateo 24:30

Dangan an tanda kan Aki nin Tawo matunga sa kalangitan; magtatangis an gabos na tawo, saka mahihiling nindang maabot an Aki nin Tawo na nasa ibabaw kan mga panganoron, may kapangyarihan asin dakulang kamurawayan.

Mateo 25:31

“Pag-abot kan Aki nin Tawo sa saiyang kamurawayan, kaiba an gabos na anghel, matukaw siya sa saiyang mamuraway na trono.

Mateo 26:64

Alagad nagsimbag si Jesus, “Ika na an nagsasabi. Sinasabihan ko kamo, poon ngunyan mahihiling nindo an Aki nin Tawo na nagtutukaw sa too kan Makakamhan asin nagdadatong sa mga panganoron nin langit!”

Mateo 5:15

Mayong minasulo nin ilaw dangan tinatahoban iyan; kundi ibinubugtak sa talagang bugtakan nganing maliwanagan an gabos na nasa harong.

1 Corinto 1:8

Papadanayon niya kamong pusog sagkod sa kataposan, tanganing mayo saindong makuang sala pag-abot kan Aldaw ni Jesu-Cristo na satong Kagurangnan.

1 Tesalonica 5:2

Aram na nindo na an Aldaw nin Kagurangnan maabot na dai nindo pinaghohona arog kan pag-abot nin parahabon kun banggi.

2 Tesalonica 2:2

na dai tolos kamo maribong o mahandal huli kan osipon na nag-abot na an Aldaw nin Kagurangnan, sa paghona na ipinagpropesiya mi iyan, ipinaghulit, o sinurat.

2 Tesalonica 2:8

Dangan matunga an Maraot, alagad gagadanon siya kan hinangos kan Kagurangnan na Jesus asin tutunawon siya kan saiyang mamurawayon na pagpahiling sa oras nin saiyang pagdatong.

Santiago 5:8

Kaya kamo man dapat na magin matinios! Pakosoga an saindong boot, huli ta madali na an aldaw kan pag-abot nin Kagurangnan.

2 Pedro 3:10

Alagad an Aldaw nin Kagurangnan maabot siring sa pag-abot nin sarong parahabon. Sa Aldaw na iyan mapapara an kalangitan kasabay an makosog na ribok. Dangan an aldaw, an bulan saka an mga bitoon sa kalangitan matutunaw sa kalayo, siring man an daga saka an gabos na yaon diyan.