Lukas 15:4 - Marahay na Bareta Biblia

⁴ “Halimbawa saro saindo igwa nin sanggatos na karnero alagad may sarong mawara, ano an gigibohon niya? Bako daw na babayaan niya an nobenta y nwebeng karnero sa pasabsaban dangan hahanapon an saro na nawawara sagkod na makua niya?

Lukas 15:4 ပူးပေါင်းရင်းမြစ်များ

Salmo 119:176

Nalagalag ako siring sa sarong nawawarang karnero; hanapa an saimong sorogoon, huli ta dai ko nalilingawan an saimong katogonan.

Isaias 53:6

Gabos kita siring sa karnero na nagkawarara, an lambang saro sato naglakaw sa sadiring dalan. Alagad sa saiya pinahugpa nin Kagurangnan an padusa, an padusa na dapat kita kuta an mag-ako.

Jeremias 33:13

Sa mga banwa kan mabulod na daga, sa pamitisan kan mga bulod, sa parteng habagat kan Juda, sa daga nin Benjamin, sa mga baryo sa palibot nin Jerusalem, asin sa mga banwa nin Juda, an mga pastor magbibilang giraray kan saindang mga karnero. Ako, an Kagurangnan, an nagtaram.”

Jeremias 50:6

“An sakong banwaan garo mga karnerong nawawara huli ta pinabayaan sinda kan saindang mga pastor. Arog sa mga karnero, naglagalag sinda hale sa sarong bukid pasiring sa saro pang bulod, asin nalingawan na ninda an saindang toril.

Ezekiel 34:16

“Hahanapon ko an mga karnerong nawara, ibabalik ko an mga nalagalag, bubugkosan ko an mga nalugadan, asin bobolongon an mga may helang; alagad an mga karnerong matataba saka makokosog sakuyang gagadanon, huli ta ako sarong pastor na naggigibo nin matanos.

Ezekiel 34:31

“Kamo, na sakong mga karnero, an ariponpon na sakuyang pinapakakan, iyo an sakong banwaan asin ako an saindong Dios,” an olay nin Kagurangnan Dios.

Ezekiel 34:4

Dai nindo pinakosog an mga maluluya, dai binolong an mga naghehelang, dai binugkosan an mga nalugadan, dai ibinalik an mga nalagalag, asin dai hinanap an mga nawara. Embes kaiyan ipinamate nindo sainda an saindong kakurihan saka kadahasan.

Ezekiel 34:8

Ako an Dios na buhay, kaya mas marahay para saindo na maghinanyog kamo sako. An sakong mga karnero sinalakay kan mga lalaw na hayop, ginadan sinda dangan kinakan, huli ta mayo sinda nin pastor. An mga karnero dai hinanap kan sakong mga pastor. Inataman ninda an saindang sadiri asin bakong an mga karnero.

Mateo 12:11

Nagsimbag si Jesus, “Halimbawa an saro saindo igwa nin sarong karnero na nahulog sa hararom na bobon sa aldaw na Sabbath, dai daw niya iyan hawason?

Lukas 13:15

Sinimbag siya kan Kagurangnan, “Mga parasagin-sagin! Bakong hinuhubadan nindo an saindong baka o asno sa gakodan tanganing darahon sa pararaan maski aldaw na Sabbath?

Lukas 15:3

Kaya inosipon sainda ni Jesus an parabolang ini,

Lukas 19:10

Dahel ta an Aki nin Tawo nagdigdi sa paghanap asin sa pagligtas kan nawawara.”

Roma 2:1

Kaya, katood ko, dawa siisay ka pa, mayo ka nin dahelan na maghukom sa iba. Sa paghukom mo sa iba, kinokondenar mo man an sadiri mo, huli ta ika na naghuhukom minagibo man kan gibo ninda.

1 Pedro 2:25

Kaidto garo kamo mga karnerong nagkaralagalag, alagad ngunyan nagbalik na kamo sa Pastor asin Paraataman kan saindong mga kalag.