Lukas 14:32 - Marahay na Bareta Biblia

³² Kun dai niya kaya, mapadara siya nin mga sugo asin mahagad nin katoninongan mantang harayo pa an saiyang kalaban.

Lukas 14:32 ပူးပေါင်းရင်းမြစ်များ

An Libro ni Job 40:9

Makosog ka daw arog sa sako? Makakadaguldol daw an saimong tingog siring kakosog kan sakong tingog?

Mateo 5:25

“Kun may tawong masangat nin kaso tumang saimo asin dinadara ka sa husgado, makiareglo ka saiya mantang igwa pa nin oras, bago kamo umabot sa husgado. Ta kun dai, itatao ka niya sa hukom, na iyo an matao saimo sa pulis na malaog saimo sa bilanggoan.

Mateo 5:42

Tawan mo an naghahagad saimo, asin dai mo pagsayumahan an boot mag-utang saimo.

Lukas 12:58

Kun igwa nin magsangat nin kaso tumang saindo saka darahon kamo sa husgado, hingowahon nindong makipaghusay saiya mantang dai pa kamo naabot sa husgado, ta tibaad iatubang kamo sa hukom na matao saindo sa pulis, na iyo man an malaog saindo sa bilanggoan.

Lukas 14:31

Kun may sarong hade na boot makigera sa saro man na hade, iisipon ngona niya kun kaya niyang makilaban na dyes mil sana an soldados niya tumang sa beynte mil.

Lukas 14:33

Siring man, an dai saindo magbaya kan gabos na sadiri niya, dai magigin disipulo ko.

Lukas 19:14

Alagad ikinakaongis siya kan mga kahimanwa niya, kaya nagpadara sinda nin mga sugo tanganing magsabi, ‘Habo ming magin hade an tawong ini.’

Mga Gibo 12:20

Naanggot nin makuri si Herodes sa mga taga Tiro asin Sidon; kaya boronyog sindang nakipaghilingan ki Herodes. Nakipagkatood ngona sinda ki Blasto, na namamahala kan palasyo, dangan nagduman sinda ki Herodes saka nakipag-olian saiya, huli ta an pagbuhay ninda hale sa daga na sakop kan hade.