Lukas 13:35 - Marahay na Bareta Biblia

³⁵ Hilinga, ta pinabayaan na an saimong harong. Sinasabihan taka, dai mo na ako mahihiling sagkod na dai ka minasabing, ‘Paladan an minadatong sa ngaran nin Kagurangnan.’”

Lukas 13:35 ပူးပေါင်းရင်းမြစ်များ

Salmo 118:26

Paladan an minadatong sa ngaran nin Kagurangnan! Magpoon sa Templo nin Kagurangnan, bebendisyonan mi ika.

Salmo 69:25

Mapabayaan logod an mga kampo ninda, asin mayo nin mag-erok sa saindang mga tolda.

Isaias 52:7

Magayon paghilingon sa ibabaw nin kabukidan, an mga bitis kan nagdadara kan marahay na bareta, an bareta nin katoninongan! Ipinapahayag niya an kapangganahan asin nagsasabi siya sa Sion, “Hade an saimong Dios!”

Jeremias 22:5

Alagad kun dai kamo maghinanyog kan sakong mga tataramon, minasumpa ako saindo na mararaot an palasyong ini. Ako, an Kagurangnan, an nagtaram.

Jeremias 35:17

Kaya ako, an Kagurangnan nin mga hukbo, an Dios nin Israel, mapadara saindo, mga taga Juda saka mga taga Jerusalem, kan gabos na karatan na ipinanuga ko. Gigibohon ko ini huli ta habo kamong maghinanyog kan magtaram ako saindo, asin huli ta habo kamong magsimbag kan apodon ko kamo.”

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Zacarias 12:10

“An mga kapagarakian ni David asin an mga nag-eerok sa Jerusalem tatawan ko kan espiritu nin pagkaherak saka kan pagpamibi, tanganing paghiling ninda sa tawong saindang binuno, matangis sinda arog kan mga nagtatangis para sa bugtong na aki. Magtatangis sinda nin mapait arog kan nagadanan kan saindang matuang aking lalaki.

Zacarias 14:2

Titiponon nin Kagurangnan an gabos na nasyon tanganing labanan an Jerusalem. Masasakop an syudad, sasamsaman an mga harong, asin lulupigan an kababaehan. Itatapok an kabanga kan mga tawo, alagad dai bibihagon an kabanga sainda.

Mateo 21:9

Nagkurahaw an mga tawong naglalakaw sa enotan saka sa hurihan ni Jesus, “Osana sa Aki ni David! Paladan an minadatong sa ngaran nin Kagurangnan! Osana sa kaitaasan!”

Mateo 23:37

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki, arog kan paglukob kan gunakan sa saiyang mga siwo, alagad habo ka!

Lukas 19:41

Kan harani na si Jesus sa syudad, asin natatanaw na niya ini, tinangisan niya an syudad.

Lukas 21:24

An iba magagadan sa gera, asin an iba dadarahon bilang mga bihag sa gabos na nasyon; rurumpagon kan mga pagano an Jerusalem sagkod na maotob an panahon ninda.

Juan 12:13

Kaya nagkua sinda nin mga sanga nin palma saka sinabat siya sa luwas kan syudad. Nagkurahaw sinda, “Osana! Paladan an minadatong sa ngaran nin Kagurangnan! Osana sa Hade nin Israel!”