Lukas 12:45 - Marahay na Bareta Biblia

⁴⁵ Alagad kun an sorogoon na iyan magsaboot na haloy pa bago magbalik an saiyang kagurangnan asin poonan niyang kulogan an kapwa niya sorogoon na lalaki asin babae, dangan magkakan siya saka magburat—

Lukas 12:45 ပူးပေါင်းရင်းမြစ်များ

An Libro ni Job 24:23

Pwedeng tugotan nin Dios na mabuhay sindang matiwasay, alagad an saiyang mga mata nasa pagmasid kan saindang mga dalan.

Isaias 65:6

“Aram ko an gigibohon kong padusa sainda, asin nakasurat na an saindang sentensya. Dai ko papawaraan nin halaga an saindang ginibo; papadusahan ko sinda

Jeremias 20:2

ipinahampak niya ako, asin pinakadenahan sa harani kan itaas na Trangkahan nin Benjamin sa Templo.

Ezekiel 12:22

“Aki nin tawo, tadaw ta inuulit-ulit kan mga taga Israel an talinhagang ini: ‘Nag-aagi an mga aldaw asin dai man nagkakatotoo an lambang bisyon’?

Ezekiel 34:8

Ako an Dios na buhay, kaya mas marahay para saindo na maghinanyog kamo sako. An sakong mga karnero sinalakay kan mga lalaw na hayop, ginadan sinda dangan kinakan, huli ta mayo sinda nin pastor. An mga karnero dai hinanap kan sakong mga pastor. Inataman ninda an saindang sadiri asin bakong an mga karnero.

Mateo 22:6

Pinurugol kan iba an mga sorogoon kan hade, kinulog ninda dangan ginaradan.

Lukas 12:44

Sa katotoohan sinasabihan ko kamo, an sorogoon na iyan pamamahalaon kan kagurangnan niya kan gabos na rogaring kaini.

Lukas 12:46

pag-abot kan kagurangnan niya sa aldaw asin oras na dai niya pinaghohona, papadusahan siya nin kagadanan asin ibubugtak siya sa kaibahan kan mga bakong maimbod.

Lukas 21:34

“Mag-ingat kamo ta tibaad malugom kamo sa karakanan, irinoman, saka sa kahaditan kan buhay na ini, asin biglang umabot saindo an Aldaw na iyan siring sa sarong siod;

Juan 2:10

dangan sinabihan, “An ibang tawo enot na ipinapainom an pinakamanagom na arak. Kun dakul na an nainom kan mga bisita, saka na ilinuluwas an maluyang klase nin arak. Alagad ika, ngunyan mo pa sana ilinuwas an pinakamanagom na arak!”

Mga Gibo 2:18

Iyo, maski an sakong mga oripon, lalaki man o babae, papahiligon ko kan sakong Espiritu sa mga aldaw na iyan, dangan maghuhula sinda.

Roma 16:18

An mga siring na tawo bakong sa satong Kagurangnan naglilingkod, kundi nagpaparaisip sana kan saindang tulak. Dinadaya ninda an mga tawong inosente, sa paagi kan saindang magayon asin marahay pagdangogon na mga tataramon.

2 Corinto 11:20

Natitios sana nindong pag-oriponon kamo, o pag-apihon o pagsiodon o pagmatahon o pagsampalingon nin siisay man.

Deuteronomio 12:12

Mag-ogma kamo sa atubang niya, kaiba an saindong mga aki, mga oripon sagkod an mga Levita na nag-eerok sa saindong mga banwaan; giromdomon nindo na an mga Levita mayo nin sadiring daga.

1 Tesalonica 5:7

Sa banggi natotorog an tawo; sa banggi man nagbuburat.

2 Pedro 2:13

babayadan ninda nin kasakitan an mga kasakitan na ginibo ninda sa iba. Ikinakaogma ninda an pagsunod sa anoman na kamawotan kan saindang hawak maski sa kaliwanggan nin aldaw; makasosopog asin makawawara nin onra na makisabay sinda saindo na magkakan, mantang naoogma sinda sa mga pagdaya ninda!

2 Pedro 2:19

Nanunuga sindang tatawan an mga ini nin katalingkasan; alagad sinda mismo mga oripon nin pamumuhay na maati—huli ta an sarong tawo oripon kan anoman na nakadaog saiya.

Kapahayagan 16:6

Pinabulos ninda an dugo kan mga banal asin kan mga propeta, kaya tinawan mo man sinda nin dugo na inomon. Minaako sinda ngunyan kan maninigo sainda!”

Kapahayagan 18:24

Pinadusahan an Babilonia huli ta sa saiya pinabulos an dugo kan mga propeta asin kan mga banal patin kan gabos na ginadan sa ibabaw kan daga.