Lukas 1:67 - Marahay na Bareta Biblia

⁶⁷ Napano kan Espiritu Santo si Zacarias na ama ni Juan, asin nagpropesia,

Lukas 1:67 ပူးပေါင်းရင်းမြစ်များ

2 Samuel 23:2

An espiritu nin Kagurangnan nagtataram sa paagi ko; an saiyang mensahe yaon sa sakong ngoso.

Joel 2:28

“Pakatapos, papahiligon ko an sakong espiritu sa gabos na tawo: an saindong mga aking lalaki saka babae maghuhula; an saindong mga gurang na lalaki magkakaigwa nin mga pangatorogan; an saindong mga hoben na lalaki makakahiling nin mga bisyon.

Mga Bilang 11:25

Dangan naghilig sa panganoron an Kagurangnan asin kinaolay si Moises. Kinua nin Kagurangnan an ibang espiritu na itinao niya ki Moises asin itinao sa setentang mga lider. Kan maghilig sainda an espiritu, nagpoon sindang magpropesiya siring sa mga propeta, alagad dai iyan nahaloy.

Lukas 1:15

huli ta siya magigin dakulang tawo sa atubang nin Kagurangnan. Dai siya mainom nin arak o anoman na maisog na inomon. Mapapano siya kan Espiritu Santo maski nasa tulak pa sana siya kan saiyang ina.

Lukas 1:41

Pagkadangog ni Isabel kan pagtaong galang ni Maria, huminiro an aki sa tulak niya. Napano kan Espiritu Santo si Isabel,

Mga Gibo 2:4

Sinda gabos napano kan Espiritu Santo asin nagpoon pagtaram sa manlaen-laen na lengwahe, siring sa ipinataram sainda kan Espiritu.

Mga Gibo 2:8

Tadaw ta nakakataram sinda kan sadiri tang mga lengwahe?

Mga Gibo 9:17

Kaya nagduman si Ananias, naglaog sa harong saka idinuta an saiyang mga kamot ki Saulo. Sinabihan niya ini, “Tugang na Saulo, sinugo ako nin Kagurangnan na Jesus na nagpahiling saimo sa dalan kan nagpapasiring ka digdi. Sinugo niya ako tanganing makahiling ka giraray asin mapano ka kan Espiritu Santo.”

2 Pedro 1:21

Huli ta mayo nin propesiya na gikan sa kabotan kan tawo; kundi sa irarom kan kapangyarihan kan Espiritu Santo, an mga tawo nagtataram kan mensahe na hale sa Dios.