Lukas 1:58 - Marahay na Bareta Biblia

⁵⁸ Nabaretaan kan saiyang mga kataed asin mga kadugo an dakulang balaog na iwinaras saiya nin Kagurangnan asin nag-ogma sinda sa kaibahan niya.

Lukas 1:58 ပူးပေါင်းရင်းမြစ်များ

Genesis 19:19

nawilihan mo ako asin naherakan, kaya ilinigtas mo an sakong buhay; alagad harayong marahay an kabubuldan, tibaad dai pa ako nakakaabot duman abotan na ako kan kapahamakan asin magadan ako.

Genesis 21:6

Nagsabi si Sara, “An Dios nagdara sako nin ngingisihan saka kaogmahan; asin an siisay man na makadangog kaini mangisi kaiba ko.”

Salmo 113:9

Tinatawan niya nin harong an babaeng baog; ginigibong maogmang ina nin mga aki. Omawon an Kagurangnan!

Mga Talinhaga 23:25

Gibohang ipag-orgulyo ka kan saimong mga magurang; tawan sa saimong ina an kaogmahan na iyan.

Lukas 1:14

Dakulang kaogmahan an maabot saimo, asin dakul an maoogma sa saiyang pagkamundag,

Lukas 1:25

An sabi ni Isabel, “Ngunyan naherakan ako nin Kagurangnan; ginibo niya ini nganing mahale an kasopogan ko!”

Lukas 1:57

Nag-abot an oras kan pangaki ni Isabel, asin nangaki siya nin sarong lalaki.

Lukas 14:12

Dangan nagsabi man si Jesus sa kagharong na nag-alok saiya, “Kun magbangkete ka, dai ka mag-alok kan mga katood mo, o mga tugang mo, o mga kadugo mo, o mga kataed mong mayayaman; huli ta aalokon ka man ninda kaya mababalosan ka.

Roma 12:15

Mag-ogma kamo kaiba kan mga nag-oogma; maghibi kamo kaiba kan mga naghihibi.

1 Corinto 12:26

Kun nakukulogan an sarong kabtang, an gabos man nakukulogan. Kun inoomaw an sarong kabtang, an gabos nakikihiras sa kaogmahan.