Levitico 8:29 - Marahay na Bareta Biblia

²⁹ Pakatapos, kinua ni Moises an daghan kan hayop asin initaas bilang espesyal na dolot sa Kagurangnan. Kahirasan iyan ni Moises sa karnerong binuno para sa ordenasyon. Inotob ni Moises an gabos na ipinagboot saiya nin Kagurangnan.

Levitico 8:29 ပူးပေါင်းရင်းမြစ်များ

Salmo 99:6

Kabilang sa mga padi niya si Moises saka si Aaron, kabilang sa mga nag-arang kan ngaran niya si Samuel. Nag-apod sinda sa Kagurangnan, asin sinimbag niya sinda.

Isaias 66:20

Ibabalik ninda an saindong mga kahimanwa hale sa mga nasyon bilang regalo sako. Dadarahon ninda an mga tawong ini sa sakong banal na bulod sa Jerusalem. Malunad sinda sa mga kabayo, mga mula, asin mga kamelyo, patin sa mga karwahe saka mga kariton. Dadarahon ninda an mga kahimanwa ninda siring sa pagdara kan mga Israelita kan mga dolot na pagkakan sa Templo na nakabugtak sa mga malinig na laogan.

1 Corinto 10:31

Kaya, anoman an gibohon nindo, magkakan man o mag-inom kamo, giboha nindo iyan gabos sa pag-omaw sa Dios.

1 Pedro 4:11

An siisay man na naghuhulit, dapat ihulit an mensahe nin Dios; an naglilingkod, maglingkod sa bilog na kosog na itinao saiya nin Dios, tanganing sa gabos na bagay, mapamuraway an Dios huli ki Jesu-Cristo. Sa saiya sana an gabos na kamurawayan asin kapangyarihan sagkod nuarin pa man.