Levitico 8:25 - Marahay na Bareta Biblia

²⁵ Kinua niya an taba, an matabang ikog, an taba na nakakatahob sa bituka, an pinakamarahay na parte kan katoy, an duwang bato kaiba an taba, asin an toong hita.

Levitico 8:25 ပူးပေါင်းရင်းမြစ်များ

Exodo 12:9

Dai nindo pagkakanon na hilaw o linabonan an arin man na parte kaini kundi bilog na inihaw, kairiba an payo, an mga bitis, sagkod an mga nasa laog kan tulak.

Exodo 29:13

Kuahon mo an gabos na taba na nakakatahob kan bituka, an pinakamarahay na parte kan katoy, an duwang bato kaiba an taba kaiyan asin tutongon mo gabos sa altar bilang atang sako.

Mga Talinhaga 23:26

Aki ko, paghinanyog nin marahay, asin gibohon mong arogan an sakong buhay.

Isaias 53:10

Nagsasabi an Kagurangnan, “Kabotan ko na siya magtios; an saiyang kagadanan sarong sakripisyo na magdadara nin kapatawadan. Halawig an saiyang magigin buhay, kaya mahihiling pa niya an saiyang kapagarakian, asin sa paagi niya maootob an sakong katuyohan.

Levitico 3:9

Idodolot ninda sa Kagurangnan bilang atang para sa katoninongan an taba, an bilog na matabang ikog na puputolon hale sa may odog, an gabos na taba na minatahob kan bituka,

Levitico 8:24

Dangan linahidan man niya nin dugo an hikawan kan mga toong talinga kan mga aki ni Aaron, an tanggurangan kan mga toong kamot asin an tanggurangan kan saindang mga toong bitis. Pakatapos, inula ni Moises an natadang dugo sa apat na gilid kan altar.

Levitico 8:26

Dangan hale sa basket nin tinapay na mayo nin lebadura na idinolot sa Kagurangnan kuminua siya nin sarong tinapay, saka sarong tinapay na igwang lana, asin sarong biskwit. Dangan ibinugtak niya an mga iyan sa ibabaw kan taba asin kan toong hurihan na bitis kan hayop.