Levitico 8:23 - Marahay na Bareta Biblia

²³ Binuno ni Moises an hayop, nagkua nin dikit na dugo kaini asin linahidan an hikawan kan toong talinga ni Aaron. Linahidan man ni Moises an tanggurangan kan toong kamot ni Aaron sagkod an tanggurangan kan saiyang toong bitis.

Levitico 8:23 ပူးပေါင်းရင်းမြစ်များ

Exodo 29:20

Bunoon mo an karnero, kumua ka nin dikit na dugo kaini asin lahidan mo an hikawan kan toong talinga ni Aaron sagkod kan saiyang mga aki, asin an tanggurangan kan saindang toong kamot saka kan saindang toong bitis. An ibang dugo iula mo sa apat na gilid kan altar.

Exodo 29:21

Kumua ka nin dikit na dugo na nasa altar saka dikit na lana, dangan wirikan mo si Aaron asin an saiyang mga gubing, an mga aki niya saka an saindang mga gubing. Dangan si Aaron asin an saiyang mga aki patin an saindang mga gubing makokonsagra na sako.

Levitico 14:14

Makua an padi nin kadikit na dugo kan kordero dangan lalahidan niya kaini an hikawan kan toong talinga kan linilinigan, an tanggurangan kan too niyang kamot, saka an tanggurangan kan too niyang bitis.

Levitico 14:17

Pakatapos, makua siya nin kadikit na lana sa saiyang palad saka kadikit na dugo kan kordero, dangan ilalahid niya an mga ini sa hikawan kan toong talinga kan linilinigan, sa tanggurangan kan too niyang kamot asin sa tanggurangan kan too niyang bitis.

Levitico 14:25

Bubunoon niya an kordero asin makua siya nin kadikit na dugo na saiyang ilalahid sa hikawan kan toong talinga kan linilinigan, sa tanggurangan kan too niyang kamot, asin sa tanggurangan kan too niyang bitis.

Levitico 14:28

Pakatapos, makua siya nin kadikit na lana sa saiyang palad, dangan ilalahid niya sa mga lugar na linahidan kan dugo: sa hikawan kan toong talinga kan linilinigan, sa tanggurangan kan too niyang kamot, asin sa tanggurangan kan too niyang bitis.

Levitico 7:37

Iyo ini an mga pagsusundon manongod sa tinutong na atang, sa dolot na pagkakan, sa dolot para sa kasalan, sa dolot na kabayadan, sa dolot sa ordenasyon asin sa dolot para sa katoninongan.

Roma 12:1

Kaya, mga tugang, huli sa dakulang pagkaherak nin Dios sato, nakikiolay ako saindo: Idolot nindo sa Dios an sadiri nindong hawak bilang sarong buhay na atang, banal asin maaako niya. Ini an tunay na pagsamba na dapat nindong itao sa Dios.

Roma 6:13

Dai nindo ipaghunod an anoman na kabtang kan saindong hawak sa kasalan bilang kasangkapan sa paggibo nin karatan, kundi idusay nindo an saindong buhay sa Dios bilang mga tawong nagadan alagad binuhay liwat. Idolot nindo saiya an bilog nindong buhay bilang kasangkapan sa paggibo nin katanosan.

Roma 6:19

Mga simpleng tataramon sana an ginagamit ko huli kan saindong kaluyahan.) Kun kaidto ihinunod nindo an saindong hawak sa mga kadustaan saka nagin orog kamo karaot, ngunyan kaipuhan idusay nindo an saindong hawak sa katanosan para sa mga banal na katuyohan.

1 Corinto 1:2

Para sa simbahan nin Dios sa Corinto, sa gabos na kinonsagra ki Cristo Jesus, inapod na magin banal kaiba kan gabos na tawo saen man na lugar na nagsasamba sa satong Kagurangnan na Jesu-Cristo, an Kagurangnan ninda asin Kagurangnan man nyato:

1 Corinto 1:30

Alagad isinaro kamo nin Dios ki Cristo Jesus; ginibo man niya na si Cristo iyo an magin kadonongan ta. Sa paagi ni Cristo Jesus, kita nagin matanos sa Dios; pinangagin banal kita asin talingkas.

1 Corinto 6:20

kundi pagsadiri nin Dios;—mahal an pagkabakal niya saindo. Kaya gamiton man nindo an saindong hawak para sa kamurawayan nin Dios.

Filipos 1:20

An minamawot ko asin linalaom iyo na dai nanggad ako magkulang sa sakong katongdan kundi magin maisog sa gabos na oras, orog na ngunyan, tanganing an bilog kong pagkatawo, sa buhay o sa kagadanan, makatao nin kaomawan ki Cristo.

Filipos 2:17

Kun an sakong dugo papabuloson bilang kabtang kan saindong atang nin pagtubod, maoogma ako asin makikipag-ogma saindo gabos.

1 Tesalonica 5:22

Likayan nindo an gabos na maraot.

Hebreyo 2:10

Maninigo na an Dios, na para saiya asin huli saiya an gabos nagkakaigwa nin buhay, iyo man an magpabanal ki Jesus sa paagi nin pasakit, tanganing madara niya an dakul na tawo sa kamurawayan. Huli ta si Jesus an nangengenot sainda pasiring sa kaligtasan.

Hebreyo 5:8

Maski Aki siya nin Dios nakanood siyang magin makinuyog-kuyog sa paagi kan saiyang mga pagtios.