Levitico 8:15 - Marahay na Bareta Biblia

¹⁵ Binuno ni Moises an baka, kinua an dugo asin sa paagi kan saiyang muro, linahidan an mga sungay kan altar tanganing konsagrahon ini. Dangan inula niya an natadang dugo sa pamitisan kan altar tanganing konsagrahon asin linigan ini.

Levitico 8:15 ပူးပေါင်းရင်းမြစ်များ

2 Mga Cronica 29:24

Pakatapos, binuno kan mga padi an mga kanding, dangan an dugo kan mga ini inula ninda sa altar bilang atang para sa kasalan kan bilog na Israel, huli ta nagboot an hade na an tinutong na atang saka an dolot para sa kasalan kaipuhan iatang para sa bilog na Israel.

Ezekiel 45:20

Sa ikapitong aldaw kan bulan, ini man an gigibohon nindo para sa kiisay man na nagkasala na dai man tinutuyo o huli sa dai pakaaram. Sa paaging ini lilinigan nindo an Templo.

Daniel 9:24

“Kwatro syentos nubentang taon an itinalaan nin Dios sa pagtalingkas sa saimong banwaan saka sa saimong syudad sa kasalan asin sa karatan. Papatawadon an kasalan asin papadanayon an hustisya, tanganing patotoohan an bisyon saka an propesiya, asin konsagrahon giraray an banal na Templo.

Levitico 1:11

Bubunoon niya iyan sa parteng amihan kan altar asin an mga padi iyo an maula kan dugo kan hayop sa apat na gilid kan altar.

Levitico 1:5

Dangan bubunoon niya an hayop sa atubang nin Kagurangnan, asin an dugo kaiyan idodolot sa Kagurangnan kan mga pading aki ni Aaron. Iuula ninda an dugo sa apat na gilid kan altar na yaon sa may pintoan kan Tabernakulo.

Levitico 16:20

Pakatapos ni Aaron kan seremonya nin paglinig kan Kabanal-banaleng Lugar, kan Tabernakulo saka kan altar, kukuahon niya an buhay na kanding na para ki Azazel. dangan idodolot sa Kagurangnan.

Levitico 3:2

Iduduta kan kagdolot an saiyang kamot sa ibabaw kan payo kan hayop dangan bubunoon niya iyan sa may pintoan kan Tabernakulo. Pakatapos, an dugo kan hayop iuula kan mga pading aki ni Aaron sa apat na gilid kan altar.

Levitico 3:8

iduduta kan kagdolot an saiyang kamot sa ibabaw kan payo kan karnero dangan bubunoon niya iyan sa atubangan kan Tabernakulo. Pakatapos, iuula kan mga padi an dugo kan karnero sa apat na gilid kan altar.

Levitico 4:25

Idodotdot kan padi an saiyang muro sa dugo kan kanding asin lalahidan niya an mga sungay kan altar, dangan iuula niya an matatadang dugo sa pamitisan kan altar.

Levitico 4:30

Idodotdot kan padi an saiyang muro sa dugo kan hayop dangan lalahidan niya an mga sungay kan altar. Pakatapos, iuula niya an matatadang dugo sa pamitisan kan altar.

Levitico 4:7

Dangan lalahidan niya nin dugo an mga sungay kan altar nin insenso na yaon sa Tabernakulo. Pakatapos, iuula niya an natatadang dugo sa pamitisan kan altar na tinututongan kan mga atang na yaon sa may pintoan kan Tabernakulo.

Levitico 6:30

Alagad kun an dugo kaiyan dinara sa laog kan Tabernakulo asin ginamit sa seremonya kan paghale nin kasalan, kaipuhan dai iyan pagkakanon kundi tutongon.

Mga Bilang 8:12

Pakatapos, ibubugtak kan mga Levita an saindang mga kamot sa payo kan duwang torong baka; an saro idodolot mo para sa kasalan asin an saro bilang tinutong na atang, tanganing gibohon an pagtubos sa mga Levita.

Roma 5:10

Dati mga kaiwal kita nin Dios, alagad ngunyan nagin katood na niya kita dahel kan pagkagadan kan saiyang Aki. Kaya ngunyan, orog na kitang ligtas huli ta buhay si Cristo.

Efeso 2:16

Natapos an iriwal kan duwang nasyon kan magadan si Cristo sa krus; pinagsaro niya sinda sa sarong hawak saka ibinalik sa Dios.

Hebreyo 2:17

Nangangahulogan na dapat siyang magin arog kan saiyang mga tugang sa gabos na bagay, tanganing siya magin maheherakon saka maimbod na Halangkaw na Padi sa saiyang paglingkod sa Dios, tanganing mapatawad an mga kasalan kan mga tawo.