Levitico 8:14 - Marahay na Bareta Biblia

¹⁴ Dangan dinara ni Moises an torilyong baka na dolot para sa kasalan asin idinuta ni Aaron saka kan saiyang mga aki an saindang mga kamot sa ibabaw kan payo kan hayop.

Levitico 8:14 ပူးပေါင်းရင်းမြစ်များ

Salmo 66:15

Madolot ako saimo nin karnerong tututongon sa altar; masakripisyo ako nin mga torilyong baka saka kanding, asin an aso kaini maitaas sa kalangitan.

Isaias 53:10

Nagsasabi an Kagurangnan, “Kabotan ko na siya magtios; an saiyang kagadanan sarong sakripisyo na magdadara nin kapatawadan. Halawig an saiyang magigin buhay, kaya mahihiling pa niya an saiyang kapagarakian, asin sa paagi niya maootob an sakong katuyohan.

Ezekiel 43:19

An mga padi na kaayon sa tribu ni Levi asin gikan sa pamilya ni Zadok iyo sana an madolok sako tanganing maglingkod. Ako, an Kagurangnan Dios, an nagboboot kaini. Tatawan mo sinda nin sarong torilyong baka na isasakripisyo bilang dolot para sa kasalan.

Ezekiel 43:20

An ibang dugo kaiyan kuahon mo dangan ilahid sa apat na sungay kan altar, asin sa apat na kanto kan kabangaan na kabtang kan altar, dangan sa palibot na pasamano kaiyan. Sa paaging ini, malilinigan an altar asin makokonsagra.

Ezekiel 44:27

dangan magduman siya sa patyong nasa laog kan Templo asin magdolot nin atang para sa saiyang kasalan. Ako, an Kagurangnan Dios, an nagtaram.

Levitico 1:4

Iduduta niya an saiyang kamot sa ibabaw kan payo kan hayop, asin aakoon iyan bilang pantubos kan saiyang mga kasalan.

Levitico 16:21

Iduduta niya an saiyang mga kamot sa ibabaw kan payo kan kanding dangan ikukumpisal niya an gabos na karatan kan banwaan nin Israel, an saindang mga kasalan asin kasombikalan. Sa paaging ini, ibinabalyo niya an gabos na karatan sa payo kan kanding. Pakatapos kaiyan, aalawon an kanding pasiring sa desyerto kan lalaking napili na mag-alaw kaiyan.

Levitico 16:6

Madolot si Aaron nin sarong torong baka bilang dolot para sa saiyang kasalan asin para sa saiyang pamilya.

Levitico 4:15

Iduduta kan mga lider kan komunidad an saindang mga kamot sa ibabaw kan payo kan hayop asin bubunoon ninda iyan sa atubang nin Kagurangnan.

Levitico 8:2

“Ipag-iba mo si Aaron saka an saiyang mga aking lalaki duman sa may pintoan kan Tabernakulo, asin darahon mo man an mga gubing na sa padi, an panlahid na lana, an torilyong baka para sa dolot sa kasalan, an duwang lalaking karnero, sagkod an basket nin tinapay na mayo nin lebadura.

Mga Bilang 8:12

Pakatapos, ibubugtak kan mga Levita an saindang mga kamot sa payo kan duwang torong baka; an saro idodolot mo para sa kasalan asin an saro bilang tinutong na atang, tanganing gibohon an pagtubos sa mga Levita.

Roma 8:3

Ginibo nin Dios an dai magibo kan Katogonan ni Moises huli ta maluya an laman. Sinilotan nin Dios an kasalan na nasa tawo kan ipadara niya an sadiri niyang Aki, na nagin siring sa tawo, bilang atang para sa kasalan.

2 Corinto 5:21

Mayo lamang nin kasalan si Cristo, alagad huli sato idinamay siya nin Dios sa satong mga pagkakasala tanganing sa pakisumaro saiya, magkaigwa kita kan katanosan nin Dios.

1 Pedro 3:18

Huli ta si Cristo nagadan dahel sa mga kasalan sarong beses sana nanggad. Matanos siyang tawo alagad nagadan siya para sa mga makasalan, tanganing madara niya kita sa Dios. Ginadan siya sa hawak alagad binuhay siya sa espiritu.