Levitico 8:13 - Marahay na Bareta Biblia

¹³ Pinadolok man ni Moises sa enotan an mga aking lalaki ni Aaron. Sinulotan niya sinda kan mga tunika, hinagkosan kan habay dangan binugtakan nin turban an saindang mga payo sosog sa ipinagboot nin Kagurangnan.

Levitico 8:13 ပူးပေါင်းရင်းမြစ်များ

Salmo 132:9

An saimong mga padi magubingan logod nin katanosan; an saimong mga banal magkurahaw logod sa kaogmahan!

Exodo 40:13

Sulotan mo si Aaron kan mga banal na gubing, lahidan mo siya nin lana asin konsagrahon tanganing makapaglingkod siya sako bilang padi.

Exodo 40:16

Ginibo ni Moises an gabos siring sa ipinagboot nin Kagurangnan.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Isaias 61:6

Mimidbidon kamo bilang mga padi kan Kagurangnan, an mga sorogoon kan satong Dios. Magkikinabang kamo sa kayamanan kan mga nasyon asin mag-oorgulyo na iyan sadiri nindo.

Ezekiel 42:14

Kun nakalaog na an mga padi sa Templo dangan boot nindang magluwas pasiring sa patyong nasa luwas, kaipuhan iwalat ninda sa mga kwartong ini an banal na mga gubing na isinulot ninda mantang naglilingkod sa Kagurangnan. Kaipuhan magsulot sinda nin ibang gubing bago sinda magduman sa lugar na pinagtitiriponan kan mga tawo.”

Levitico 10:5

Kaya nagdolok sinda asin kinapotan an gubing kan mga nagadan; dinara ninda an mga bangkay sa luwas kan kampo siring sa ipinagboot ni Moises.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

Kapahayagan 1:6

Ginibo niya kitang kahadean nin mga padi na maglilingkod sa saiyang Dios asin Ama. Ki Jesu-Cristo an kamurawayan saka an kapangyarihan sagkod pa man! Amen.

Kapahayagan 5:10

Ginibo mo sindang kahadean nin mga padi tanganing maglingkod sa satong Dios; maghahade sinda sa daga.”