Levitico 8:11 - Marahay na Bareta Biblia

¹¹ Dangan kuminua siya nin kadikit kan lana asin pitong beses niyang winirikan an altar sagkod an mga kasangkapan kaini, an palanggana asin an tumbawan kaini, tanganing makonsagra man sa Kagurangnan.

Levitico 8:11 ပူးပေါင်းရင်းမြစ်များ

Exodo 16:14

Kan mawara na an ambon, nahiling kan mga Israelita na an kalangtadan pano nin mahihimpis asin saradit na mga bagay na garo nagbilog na ambon sa daga. Dai ninda aram kun ano idto kaya naghinarapotan sinda, “Ano daw ini?” Nagsabi si Moises, “Iyan an tinapay na itinao nin Kagurangnan na saindong kakakanon.

Exodo 16:19

Sinabihan sinda ni Moises, “Mayo nin magtada kaiyan para sa aga.”

Exodo 29:36

Aroaldaw maatang ka nin lalaking baka bilang dolot sa pagpatawad kan kasalan. Huli kaini malilinigan an altar. Dangan lahidan mo ini nin lana tanganing makonsagra.

Exodo 29:37

An paglinig asin pagkonsagra kan altar gibohon mo sa laog nin pitong aldaw. Dangan an altar magigin banal, asin an ano man na makaduta diyan, magigin banal.

Exodo 30:29

Konsagrahon mo iyan gabos tanganing magin banal. An ano man na makaduta sa mga iyan, magigin banal man.

Exodo 4:17

Daraha an sugkod na ini, na iyo an gagamiton mo sa paggibo nin ngangalasan.”

Exodo 4:6

Nagtaram pa an Kagurangnan ki Moises, “Laogan an saimong kamot sa saimong gubing sa may daghan.” Nagsunod si Moises; kan iluwas niya ini, maputi nang marahay huli sa daot.

Isaias 52:15

Alagad ngunyan mangalas saiya an dakul na nasyon, asin sa pagngalas maalo an mga hade. Huli ta mahihiling ninda an dai pa ninda nabaretaan, asin masasabotan ninda an dai pa ninda nadangog.”

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Levitico 14:16

dangan idodotdot niya digdi an muro kan too niyang kamot asin pitong beses siyang mawirik kaiyan sa atubang nin Kagurangnan.

Levitico 4:17

idodotdot niya an saiyang muro sa dugo asin wiwirikan niya nin pitong beses an panlipod na kurtina kan santwaryo.

Levitico 4:6

Idodotdot niya an saiyang muro sa dugo dangan wiwirikan niya nin pitong beses an panlipod na kurtina kan santwaryo.

Tito 3:6

Nagsusupay na itinao sato nin Dios an Espiritu Santo sa paagi ni Jesu-Cristo na satong Paraligtas,