Levitico 7:37 - Marahay na Bareta Biblia

³⁷ Iyo ini an mga pagsusundon manongod sa tinutong na atang, sa dolot na pagkakan, sa dolot para sa kasalan, sa dolot na kabayadan, sa dolot sa ordenasyon asin sa dolot para sa katoninongan.

Levitico 7:37 ပူးပေါင်းရင်းမြစ်များ

Exodo 29:1

“Ini an gigibohon mo sa pagkonsagra ki Aaron asin sa mga aki niyang lalaki tanganing maglingkod sako bilang mga padi. Kumua ka nin sarong torilyong baka saka duwang lalaking karnero na mayo nin kaninan.

Exodo 29:22

“Kuahon mo man an taba kan karnero, an matabang ikog, an taba na nakakatahob sa bituka, an pinakamarahay na parte kan katoy, an duwang bato kaiba an taba asin an toong hita (huli ta iyo ini an karnero para sa ordenasyon).

Levitico 1:1

Hale sa Tabernakulo, inapod nin Kagurangnan si Moises asin tinawan kan minasunod na pagsusundon

Levitico 5:7

Alagad kun dai niya kayang magdolot nin karnero o kanding bilang kabayadan kan saiyang kasalan, madara siya sa Kagurangnan nin duwang salampati o agbaan; an saro kaiyan bilang dolot para sa kasalan asin an saro bilang tinutong na atang.

Levitico 6:20

para sa pag-orden bilang padi kan saro sa mga aki ni Aaron. Sa aldaw na ordenan siya, matao siya sa Kagurangnan nin sarong kilong arina bilang dolot (pareho kadakul kan itinatao sa aroaldaw na dolot na pagkakan). An kabanga kaiyan idodolot niya pagkaaga, asin an kabanga pagkabanggi.

Levitico 8:22

Dangan kinua ni Moises an ikaduwang lalaking karnero na para sa ordenasyon kan mga padi. Idinuta ni Aaron saka kan saiyang mga aki an saindang mga kamot sa ibabaw kan payo kan hayop.

Levitico 8:23

Binuno ni Moises an hayop, nagkua nin dikit na dugo kaini asin linahidan an hikawan kan toong talinga ni Aaron. Linahidan man ni Moises an tanggurangan kan toong kamot ni Aaron sagkod an tanggurangan kan saiyang toong bitis.