Levitico 7:35 - Marahay na Bareta Biblia

³⁵ Sa pagkakan na idinolot sa Kagurangnan, iyo iyan an kahirasan na itinao ki Aaron asin sa saiyang mga aki kan aldaw na sinda ordenan bilang mga padi.

Levitico 7:35 ပူးပေါင်းရင်းမြစ်များ

Exodo 28:1

“Ipaapod mo si Aaron na saimong tugang sagkod an saiyang mga aki na si Nadab, Abihu, Eleazar asin si Itamar. Laenon mo sinda sa gabos na Israelita tanganing maglingkod sako bilang mga padi.

Exodo 29:1

“Ini an gigibohon mo sa pagkonsagra ki Aaron asin sa mga aki niyang lalaki tanganing maglingkod sako bilang mga padi. Kumua ka nin sarong torilyong baka saka duwang lalaking karnero na mayo nin kaninan.

Exodo 29:21

Kumua ka nin dikit na dugo na nasa altar saka dikit na lana, dangan wirikan mo si Aaron asin an saiyang mga gubing, an mga aki niya saka an saindang mga gubing. Dangan si Aaron asin an saiyang mga aki patin an saindang mga gubing makokonsagra na sako.

Exodo 29:7

Dangan kuahon mo an lana, iula mo sa saiyang payo asin lahidan mo siya.

Isaias 10:27

Pag-abot kan aldaw na iyan, tatalingkasan ko kamo sa kapangyarihan nin Asiria, asin dai na kamo magagabatan kan sakal na ibinugtak ninda sa abaga nindo.”

Isaias 61:1

Nasa sako an espiritu kan Kagurangnan Dios, huli ta linahidan niya ako sa pagdara kan marahay na bareta sa mga dukha. Sinugo niya ako sa pagbolong kan mga nakukulogan an puso, sa pagpahayag nin katalingkasan sa mga bihag asin sa mga nasa bilanggoan.

Levitico 8:30

Kuminua si Moises nin kadikit kan lanang panlahid saka kadikit kan dugo na nasa altar dangan winirikan niya si Aaron asin an saiyang mga aking lalaki patin an saindang mga sulot na gubing. Sa paaging ini kinonsagra niya sinda asin an saindang mga gubing sa Kagurangnan.

Juan 3:34

Huli ta an sinugo nin Dios nagtataram kan mga tataramon nin Dios; dai sinusukol an pagtao nin Dios kan saiyang Espiritu.

2 Corinto 1:21

An Dios mismo an nagpapakosog samo saka saindo diyan ki Cristo, asin siya an nagpili samo.

1 Juan 2:20

Alagad iwinaras na saindo ni Cristo an Espiritu Santo, kaya kamo gabos nakakaaram kan katotoohan.

1 Juan 2:27

Alagad manongod saindo, winarasan na kamo ni Cristo kan saiyang Espiritu. Kaya dai na kamo kaipuhan pang tukdoan nin siisay man, huli ta an saiyang Espiritu mismo iyo an nagtutukdo saindo kan gabos na bagay; an itinutukdo niya totoo, bakong putik. Kaya kuyoga nindo an itinukdo saindo, asin magdanay kamong sararo ki Cristo.

1 Samuel 2:28

Pinili ko an saiyang pamilya hale sa gabos na tribu nin Israel tanganing magin sakong mga padi, maglingkod sa altar, magtutong nin insenso, asin magsulot kan efod sa pag-aram kan sakong kabotan. Itinao ko sainda an deretso na magkua nin sarong kabtang kan mga atang na tinututong sa altar.