Levitico 7:30 - Marahay na Bareta Biblia

³⁰ Siya mismo an madolot kaiyan bilang dolot na pagkakan. Dadarahon niya an taba kan hayop kaiba an daghan kaiyan dangan iitaas niya an mga iyan sa Kagurangnan bilang espesyal na regalo.

Levitico 7:30 ပူးပေါင်းရင်းမြစ်များ

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

Levitico 10:14

Alagad an daghan saka an bitis na itinaas sa Kagurangnan bilang espesyal na regalo asin kahirasan para sa mga padi pwede nindong kakanon asin kan saindong mga pamilya maski saen na malinig na lugar. An mga dolot na iyan itinao saindo asin sa mga aki nindo bilang kahirasan, hale sa mga dolot para sa katoninongan kan mga Israelita.

Levitico 10:15

Dadarahon ninda an toong hurihan na bitis kan hayop asin an daghan sa panahon na idinodolot an taba bilang dolot na pagkakan sa Kagurangnan. An mga kabtang na ini kan hayop iyo an kahirasan nindo saka kan saindong mga aki sagkod sa maabot na panahon, siring sa pagboot nin Kagurangnan.”

Levitico 3:14

asin idodolot ninda sa Kagurangnan bilang dolot na pagkakan an gabos na taba na yaon sa ibabaw kan bituka,

Levitico 3:9

Idodolot ninda sa Kagurangnan bilang atang para sa katoninongan an taba, an bilog na matabang ikog na puputolon hale sa may odog, an gabos na taba na minatahob kan bituka,

Levitico 8:27

Ibinugtak niya iyan gabos sa mga kamot ni Aaron asin kan saiyang mga aki, dangan initaas ninda iyan sa Kagurangnan bilang sarong espesyal na dolot.

Levitico 8:29

Pakatapos, kinua ni Moises an daghan kan hayop asin initaas bilang espesyal na dolot sa Kagurangnan. Kahirasan iyan ni Moises sa karnerong binuno para sa ordenasyon. Inotob ni Moises an gabos na ipinagboot saiya nin Kagurangnan.

Levitico 9:20

sa ibabaw kan daghan kan mga nasabing hayop dangan dinara ini gabos sa altar, asin tinutong an gabos na taba.

Levitico 9:21

Alagad an mga daghan kan mga hayop sagkod an toong hurihan na mga bitis, initaas niya sa Kagurangnan bilang espesyal na regalo para sa mga padi, siring sa ipinagboot ni Moises.

Mga Bilang 6:20

Pakatapos, an mga ini idodolot kan padi sa Kagurangnan bilang espesyal na regalo; an mga ini iyo an banal na kahirasan kan padi, kaiba an daghan saka bitis kan karnero. Kun magibo na ini, pwede nang uminom nin arak an Nazireo.

Mga Bilang 8:11

asin an mga ini itatalaga ni Aaron bilang espesyal na regalo kan mga Israelita tanganing maglingkod sa sako.

Juan 10:18

Mayo nin siisay man na makakakua kan sakuyang buhay. Idinudusay ko iyan sa sadiri kong kagustohan. Igwa ako nin deretso na magdusay kan sakong buhay asin sa pagbawi giraray kaiyan. Ini an pagboot sako kan sakuyang Ama.”

2 Corinto 8:12

Kun talagang maigot kamo sa pagtao, aakoon nin Dios an saindong dolot, sosog sa ikakatao nindo asin bakong sosog sa dai nindo ikakatao.

Deuteronomio 18:3

“Sa lambang baka o karnero na iaatang, itatao sa kapadian an abaga, an panga asin an tulak.