Levitico 7:25 - Marahay na Bareta Biblia

²⁵ An siisay man na kumakan kan taba kan hayop na pwedeng idolot bilang dolot na pagkakan sa Kagurangnan, dai na ibibilang na kaayon sa banwaan nin Dios.

Levitico 7:25 ပူးပေါင်းရင်းမြစ်များ

Genesis 17:14

An siisay man na lalaki na bakong serkomsisyonado dai ibibilang na kaayon sa sakong banwaan, huli ta dai niya inotob an pakipagtipan sako.”

Exodo 29:25

Dangan kuahon mo iyan sa sainda asin tutongon mo sa altar, sa ibabaw kan tinutong na atang, bilang sarong dolot na pagkakan sako. An parong kan dolot na ini nawiwilihan ko.

Levitico 3:17

Sagkod pa man dai nin siisay man sa mga Israelita an pwedeng magkakan kan taba saka dugo; iyan sarong pagboot na kukuyogon kan gabos na Israelita saen man sinda mag-erok.

Levitico 7:20

An tawong bakong malinig alagad kuminakan kaiyan, dai na ibibilang na kaayon sa banwaan nin Dios.

Levitico 7:21

An siisay man na kumakan kan idinolot na karne pakatapos na siya makaduta sa ano man na maati, tawo man o hayop, dai na ibibilang na kaayon sa banwaan nin Dios.

Levitico 7:24

An taba kan hayop na nagadan o ginadan nin sarong lalaw na hayop dai nanggad nindo pagkakanon; pwedeng gamiton iyan sa ibang katuyohan.

Levitico 7:26

Saen man mag-erok an mga Israelita, dai nanggad sinda magkakan kan dugo kan gamgam o hayop.

Levitico 7:27

An siisay man na maglapas kan togon na ini, dai na ibibilang na kaayon sa banwaan nin Dios.