Levitico 7:19 - Marahay na Bareta Biblia

¹⁹ Kun an karne makaduta sa ano man na maati, dai nanggad iyan pagkakanon kundi tutongon. An siisay man na malinig pwedeng kumakan kan karne.

Levitico 7:19 ပူးပေါင်းရင်းမြစ်များ

Levitico 6:27

Magigin banal an siisay man o an ano man na makadotdot kan laman kan hayop. An arin man na parte kan gubing na matipsikan kan dugo kaiyan kaipuhan hugasan sa sarong banal na lugar.

Levitico 7:18

Kun kakanon pa an natadang karne sa ikatolong aldaw, dai na aakoon nin Dios an kagdolot. Dai iyan ipapanongod sa kagdolot; magigin maati iyan. Papadusahan an siisay man na kumakan kaiyan.

Levitico 7:20

An tawong bakong malinig alagad kuminakan kaiyan, dai na ibibilang na kaayon sa banwaan nin Dios.

Lukas 11:41

Kaya itao nindo sa mga dukha an mga nasa laog kan mga tasa saka mga plato nindo, asin an gabos magigin malinig para saindo.

Mga Gibo 10:28

Nagsabi siya sainda, “Aram nindong dai tugot sa sarong Judio na magdalaw o makiiba sa pagano. Alagad ipinahayag sako nin Dios na dai ko ibilang na maati o bakong maninigong pakiibahan an siisay man.

Roma 14:14

Dahel sa sakong pakisumaro sa Kagurangnan na Jesus, naniniwala ako na mayong kakanon na masasabing maati; alagad kun an sarong tawo nagtutubod na an siring na kakanon maati, an kakanon na iyan maati para saiya.

Roma 14:20

Dai mo pagraoton an gibo nin Dios huli sana sa kakanon. Pwedeng kaonon an gabos na kakanon, alagad sala an magkakan nin anoman na magigin dahelan kan pagkasala nin iba.

2 Corinto 6:17

“Kaya bayaan nindo sinda,” an sabi nin Dios, “sumiblag kamo sainda. Dai kamo magduta sa anoman na maati, dangan aakoon ko kamo.

Tito 1:15

Para sa mga tawong malinig an isip, an gabos malinig; alagad para sa mga maati an isip asin dai nagtutubod, an gabos maati, huli ta nadigtaan an saindang mga isip asin konsyensya.