Levitico 7:18 - Marahay na Bareta Biblia

¹⁸ Kun kakanon pa an natadang karne sa ikatolong aldaw, dai na aakoon nin Dios an kagdolot. Dai iyan ipapanongod sa kagdolot; magigin maati iyan. Papadusahan an siisay man na kumakan kaiyan.

Levitico 7:18 ပူးပေါင်းရင်းမြစ်များ

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Isaias 65:4

Pagkabanggi, minaduman sinda sa mga lungib saka lulubngan tanganing makihumapot sa mga espiritu kan gadan. Nagkakakan sinda kan karne nin orig asin nag-iinom kan sabaw kan karne na idinolot sa mga paganong sakripisyo.

Isaias 66:3

“An mga tawo naggigibo kan saindang nawiwilihan. Sa sainda, pareho an pagbono nin baka bilang sarong sakripisyo asin an pagsakripisyo kan buhay nin sarong tawo. Pareho sainda an pagsakripisyo nin sarong kordero asin an pagbari kan liog nin sarong ayam; an pagtao nin dolot na pagkakan asin an pagdolot kan dugo nin orig; dangan an pagdolot nin insenso asin an pagpamibi sa sarong dios-dios.

Jeremias 14:10

Nagsasabi an Kagurangnan manongod sa mga tawong ini, “Mas boot nindang magharayo sako, asin dai ninda pinugol an saindang sadiri. Kaya dai ko sinda nawiwilihan. Gigiromdomon ko an mga maraot nindang gibo asin papadusahan ko sinda huli kan mga kasalan ninda.”

Jeremias 14:12

Maski sinda mag-ayuno, dai ko hihinanyogon an saindang pag-agrangay; asin maski pa magdolot sinda sako nin mga tinutong na atang saka mga pagkakan, dai ako mawiwili sainda. Embes kaiyan, gagadanon ko sinda sa gera asin sa gutom saka sa helang.”

Ezekiel 18:20

An nagkakasala iyo an magagadan. An aki dai magtitios huli sa mga kasalan kan saiyang ama, asin an ama dai magtitios huli sa kasalan kan saiyang aki. An marahay na tawo babalosan sosog sa marahay na naginibo niya, asin an maraot na tawo magtitios huli sa maraot na naginibo niya.

Oseas 8:13

Nagdodolot sinda sako nin mga sakripisyo asin kinakakan ninda an laman kan mga sakripisyo. Alagad ako, an Kagurangnan, dai naoogma sainda, asin gigiromdomon ko ngunyan an saindang kasalan dangan papadusahan ko sinda huli kaiyan; ibabalik ko sinda sa Egipto!

Levitico 10:17

“Tadaw ta dai nindo kinakan sa sarong banal na lugar an dolot para sa kasalan? Orog iyan kabanal asin itinao na saindo nin Kagurangnan tanganing mahale an kasalan kan mga tawo.

Levitico 10:19

Nagsimbag si Aaron, “Nagdarara an mga tawo sa Kagurangnan kan saindang dolot para sa saindang kasalan asin tinutong na atang, alagad nangyari pa giraray sako an mga makangirhat na bagay na ini. Kun nagkakan ako kan dolot para sa kasalan, mawiwilihan daw ako nin Kagurangnan?”

Levitico 11:41

Dai kamo magkakan kan arin man na saradit na hayop sa daga,

Levitico 17:16

Kun dai niya iyan gibohon, magkakasala siya.

Levitico 19:5

“Kun magbuno kamo nin hayop bilang dolot para sa katoninongan, otobon nindo an itinao kong mga pagsusundon asin aakoon ko an dolot.

Levitico 20:17

Kun agomon nin sarong lalaki an saiyang tugang na babae o maski an tugang niya sa ama o ina, guminibo sinda nin makasosopog na bagay asin maninigo na sopogon sa mata kan publiko dangan pahaleon sa komunidad. Dinorogan niya an saiyang tugang na babae asin dapat na padusahan.

Levitico 20:19

Kun dinorogan kan sarong lalaki an saiyang tiyaon sa ama o sa ina, nagkasala sindang duwa asin maninigong magdusa huli ta naggibo sinda nin orog karaot na bagay.

Levitico 22:16

huli sa pagpakakan kaiyan sa mga bakong maninigo; magdadara iyan nin kasalan asin padusa sa tawong iyan. Ako an Kagurangnan asin ako an nagpapabanal kan mga dolot.”

Levitico 22:23

Bilang boluntad na dolot, pwede nindong idolot an sarong hayop na dai nagdakula o may makanos na hawak; alagad dai iyan aakoon kun idolot nindo iyan sa pag-otob nin sarong panuga.

Levitico 22:25

“Dai kamo magdolot nin hayop na hale sa sarong dayuhan bilang dolot na pagkakan. An mga siring na hayop ibibilang na may kaninan asin dai iyan aakoon.”

Levitico 5:17

Kun an sarong tawo dai tuyong magkasala huli sa paglapas kan arin man sa mga pagboot nin Kagurangnan, babayadan niya an kasalan na iyan.

Levitico 7:19

Kun an karne makaduta sa ano man na maati, dai nanggad iyan pagkakanon kundi tutongon. An siisay man na malinig pwedeng kumakan kan karne.

Amos 5:22

Maski pa dolotan nindo ako nin mga tinutong na atang saka dolot na pagkakan, dai ko iyan aakoon; dai ko man aakoon an mga pinatabang hayop na dinadara nindo sako bilang mga dolot para sa katoninongan.

Malakias 1:10

Nagsasabi an Kagurangnan nin mga hukbo, “Mawot kong saro sa saindo an magsera kan pintoan kan Templo tanganing dai na kamo mag-amak kan mga mayo nin halagang kalayo sa sakong altar. Dai ko kamo nawiwilihan; dai ko aakoon an mga dolot na dara nindo sako.

Malakias 1:13

Minasabi kamo, ‘Pagal na kami sa paggibo kan gabos na ini!’ dangan tinatami-tamian nindo ako. Bilang dolot dinadarahan nindo ako nin hinabonan na hayop o sarong hayop na pilay o may helang. Sa paghona nindo, aakoon ko daw saindo an siring na dolot?

Mga Bilang 18:27

An espesyal na regalong iyan ibibilang na katimbang kan dolot na bagong ani asin bagong arak na idinodolot kan paraoma.

Lukas 16:15

Alagad sinabihan sinda ni Jesus, “Kamo an mga nagpapakamatanos sa atubang nin mga tawo, alagad aram nin Dios an nasa puso nindo. Huli ta an pinapahalagahan nin mga tawo, ikinakaongis nin Dios.

Roma 4:11

An pagkaniserkomsisyonado niya tanda na inako siya nin Dios na matanos huli kan pagtubod niya bago pa siya sinerkomsisyon. An katuyohan iyo na siya an magigin ama kan gabos na nagtutubod sa Dios na inaako nin Dios na matanos, maski dai sinda sinerkomsisyon.

Hebreyo 9:28

Siring man si Cristo inatang saro sanang beses para sa paghale kan mga kasalan kan dakul na tawo. Maabot siya giraray, bako nang sa paghale kan kasalan, kundi sa pagligtas kan mga naghahalat saiya.

1 Pedro 2:24

Dinara ni Cristo an satong mga kasalan sa saiyang hawak duman sa krus tanganing magadan kita sa satong kasalan asin mabuhay sa katanosan. Naomayan kamo huli kan saiyang mga lugad.