Levitico 7:12 - Marahay na Bareta Biblia

¹² Kun idolot iyan nin sarong tawo bilang pasalamat sa Dios, kaiba an hayop na iaatang, madolot siya nin tinapay na mayo nin lebadura: mahibog na tinapay hale sa arina na sinalakan nin lana nin oliba o manipis na biskwit na linahidan nin lana nin oliba o manipis na biskwit na gibo sa arina na sinalakan nin lana nin oliba.

Levitico 7:12 ပူးပေါင်းရင်းမြစ်များ

2 Mga Cronica 29:31

Dangan nagsabi si Ezekias, “Kinonsagra na nindo an saindong sadiri sa Kagurangnan; dumolok kamo asin pagdara nin mga sakripisyo saka mga atang nin pasasalamat sa Templo.” Nagkuyog sinda, asin an nagkapira sainda boluntad na nagdara man nin mga hayop na isasakripisyo bilang tinutong na atang.

2 Mga Cronica 33:16

Hinirahay man niya an altar nin Kagurangnan saka nagdolot siya duman nin mga sakripisyo, mga dolot para sa katoninongan asin mga dolot nin pasasalamat. Pinagbotan niya an Juda na maglingkod sa Kagurangnan, an Dios nin Israel.

Nehemias 12:43

Kan aldaw na idto, nagdolot sinda nin mga sakripisyo asin nag-ogma huli ta tinawan sinda nin Dios nin labi-labing kaogmahan. Nag-ogma man an mga babae asin an mga aki. An ribok kan saindang pag-ogma nadangog maski sa harayong lugar.

Salmo 107:8

Kaipuhan magpasalamat sinda sa Kagurangnan, huli kan danay niyang pagkamoot, huli kan makangangalas na gibo niya sa sainda.

Salmo 116:17

Idodolot ko saimo an sakripisyo nin pasasalamat, asin aapodon ko an ngaran mo.

Salmo 50:23

An nagdadara nin atang nin pasasalamat nagtatao sako nin kaomawan; asin sa mga naglalakaw sa dalan nin katanosan, ipapahiling ko an sakong kaligtasan!”

Jeremias 33:11

an mga tingog nin kaogmahan asin kagayagayahan saka an maogmang tingog kan mga bagong kasal. Madadangog mo na nag-aawit an mga tawo mantang dinadara ninda an saindang mga dolot nin pasasalamat sa sakong Templo; masabi sinda, ‘Magpasalamat sa Kagurangnan nin mga hukbo, huli ta siya marahayon asin an saiyang pagkamoot mayo nin kataposan.’ Gigibohon kong magin mauswag giraray an dagang ini arog kan dati. Ako, an Kagurangnan, an nagtaram.”

Oseas 14:2

Magbalik kamo sa Kagurangnan, asin an pamibing ini iyo logod an saindong dolot sa saiya: “Patawada an gabos ming kasalan asin dangoga an samong pamibi, dangan oomawon mi ika siring sa samong ipinanuga.

Levitico 2:4

Kun tinapay na linuto sa horno an idodolot, kaipuhan linuto iyan na mayo nin lebadura. Pwedeng mahibog iyan o manipis, sinalakan nin lana nin oliba o linahidan sana.

Levitico 2:5

Kun an idodolot tinapay na linuto sa parilya, kaipuhan gibohon iyan hale sa arina na may salak na lana nin oliba alagad mayo nin lebadura.

Levitico 22:29

Kun magdolot kamo nin sakripisyo nin pasasalamat sa Kagurangnan, sunodon nindo an mga pagboot tanganing akoon iyan.

Levitico 6:16

An matatadang arina saka lana gigibohon na tinapay na mayo nin lebadura asin kakakanon kan mga padi sa sarong banal na lugar, duman sa patyo kan Tabernakulo. Itinao na iyan nin Kagurangnan sa mga padi bilang saindang kahirasan sa mga dolot na pagkakan. Banal iyan arog kan mga dolot para sa kasalan asin kan dolot na kabayadan.

Levitico 7:15

An karne kan hayop kaipuhan na kakanon sa aldaw na idinolot iyan; dai magtada kaiyan para sa masunod na aldaw.

Amos 4:5

Lakaw kamo asin dolotan an saindong tinapay sa pagpasalamat sa Dios, dangan ipaghambog nindo an saindong mga boluntad na dolot! Iyo ini an gawe na boot nanggad nindong gibohon.

Mga Bilang 6:15

Laen pa kaiyan, madolot siya nin sarong basket nin tinapay na mayo nin lebadura: mahihibog na tinapay na gibo sa arinang sinalakan nin lana nin oliba, asin maninipis na biskwit na linahidan nin lana nin oliba, kaiba an dolot na pagkakan asin dolot na inomon.

Lukas 17:16

Nagdapa siya sa atubangan ni Jesus saka nagpasalamat. An tawong ini Samaritano.

Lukas 17:18

Tadaw ta an dayuhan sanang ini an nagbalik sa pagpasalamat sa Dios?”

Roma 1:21

Maski midbid ninda an Dios, dai ninda siya tinawan kan kaomawan bilang Dios, asin dai sinda nagpasalamat saiya. Kundi nagparaisip sinda nin mga bagay na mayong halaga asin nadikloman an isip ninda.

Efeso 5:20

Danay na magpasalamat kamo sa Dios Ama para sa gabos na bagay, sa ngaran ni Jesu-Cristo na satong Kagurangnan.

Hebreyo 13:15

Kaya danay kitang magdolot nin atang nin pag-omaw sa Dios huli ki Jesus, pag-omaw na nagpapahayag kan satong pagmidbid sa saiya bilang Kagurangnan.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.