Levitico 6:6 - Marahay na Bareta Biblia

⁶ Dadarahon niya sa padi an sarong lalaking karnero o kanding na mayo nin kaninan bilang dolot na kabayadan. Aramon nindo an kantidad kaiyan sosog sa kinaugalean na timbang kan santwaryo.

Levitico 6:6 ပူးပေါင်းရင်းမြစ်များ

Esdras 10:19

Nanuga sinda na susuhayan an saindang mga agom asin nagdolot sinda nin sarong lalaking karnero bilang sakripisyo para sa saindang mga kasalan.

Nehemias 10:35

Taon-taon, nanunuga kami na dadarahon mi sa Templo bilang dolot an mga enot na bunga kan samuyang daga asin mga kahoy.

Ezekiel 40:46

asin an kwartong atubang sa amihan iyo an para sa mga padi na naglilingkod sa altar. An gabos na padi naggikan ki Zadok; sa mga kaayon sa tribu ni Levi, sinda sana nanggad an tinutugotan na makarani sa Kagurangnan asin maglingkod saiya.

Levitico 14:12

Dangan kukuahon kan padi an sarong lalaking kordero asin kaiba kan ikatolong parte kan sarong litro nin lana nin oliba, iiitaas niya iyan sa Kagurangnan bilang sarong dolot na kabayadan. Idodolot niya iyan sa Kagurangnan bilang sarong espesyal na regalo para sa padi.

Levitico 5:15

Kun an sarong tawo dai tuyong magkasala huli sa dai niya pakatao kan mga bayad na banal para sa Kagurangnan, madara siya nin sarong lalaking karnero o kanding na mayo nin kaninan bilang dolot na kabayadan. Aramon nindo an kantidad kaiyan sosog sa kinaugalean na timbang kan santwaryo.

Levitico 5:18

Madara siya sa padi nin sarong lalaking karnero o kanding na mayo nin kaninan bilang dolot nin kabayadan. Aaramon nindo an kantidad kaiyan sosog sa kinaugalean na timbang kan santwaryo. An padi an madolot kan sakripisyo para sa kasalan kan tawong iyan, asin papatawadon siya.

Levitico 5:7

Alagad kun dai niya kayang magdolot nin karnero o kanding bilang kabayadan kan saiyang kasalan, madara siya sa Kagurangnan nin duwang salampati o agbaan; an saro kaiyan bilang dolot para sa kasalan asin an saro bilang tinutong na atang.