Levitico 6:4 - Marahay na Bareta Biblia

^4-5 Kun an sarong tawo magkasala kan arin man sa nasabing mga paagi, mabayad siya para sa kinua niya sa maraot na paagi. Sa aldaw na maaraman an saiyang kasalan, an kagsadiri babayadan niya kan bilog na kantidad na saiyang kinua asin madagdag pa siya nin beynte porsyento.

Levitico 6:4 ပူးပေါင်းရင်းမြစ်များ

Genesis 21:25

Dangan nagreklamo si Abraham ki Abimelek manongod sa sarong bubon na sinadiri kan mga oripon ni Abimelek.

Nehemias 5:11

Patawada an gabos nindang utang saindo; iuli nindo ngunyan man sanang aldaw an saindang mga oma, mga ubasan, mga tatamnan nin oliba, mga harong, mga kwarta, trigo, arak, saka lana.”

An Libro ni Job 20:19

huli ta inapi niya saka pinabayaan an mga dukha, asin an bako niyang harong sinadiri niya.

An Libro ni Job 24:2

“Hinihiro nin mga tawo an mga muhon tanganing magdakula an saindang daga; hinahabon ninda an karnero nin ibang tawo asin inaayon sa mga hayop ninda.

Isaias 59:6

An hinabol nindong gubing hale sa lapat dai man nindo ikakasulot. An saindong mga gibo magbubunga nin karibokan asin kapahamakan.

Ezekiel 18:12

Dinadaya niya an mga dukha, nanghahabon siya asin dai niya ipinupuli an isinangra kan nag-utang saiya. Nagduduman siya sa mga paganong altar asin nagsasamba sa makauuyam na mga dios-dios,

Ezekiel 18:18

Alagad an saiyang ama, na nandaya asin nanghabon patin danay na naggibo nin maraot sa iba, magagadan huli kan mga kasalan na siya mismo an naggibo.

Ezekiel 18:7

Dai siya nandadaya o nanghahabon sa kiisay man. Ipinupuli niya an bagay na isinangra kan nag-utang saiya; pinapakakan niya an nagugutom asin ginugubingan an mga huba.

Ezekiel 33:15

halimbawa ibalik niya an garantiya nin sarong utang o ipuli an saiyang hinabonan—kun ontokon niya an saiyang pagkakasala dangan otobon niya an mga togon na nagdadara nin buhay, dai siya magagadan kundi mabubuhay.

Ezekiel 44:19

Bago sinda magduman sa patyong nasa luwas, sa pinagtitiripon kan mga tawo, kaipuhan hubaon ninda an mga gubing na sulot ninda kan maglingkod sinda sa Templo, dangan iwalat ninda an mga iyan sa banal na mga kwarto. Kaipuhan ibang gubing an isulot ninda tanganing an mga tawo dai maano kan banal na mga gubing.

Levitico 24:18

An siisay man na magbuno kan hayop na bako man saiya, mabayad kaiyan. An prinsipyo iyo ini: buhay sa buhay.

Levitico 24:21

An siisay man na magbuno kan hayop na bako man saiya, mabayad kaiyan. An siisay man na maggadan nin tawo, gagadanon man.

Levitico 4:12

dadarahon niya iyan gabos sa luwas kan kampo, sa sarong malinig na lugar na pinag-uulaan kan abo, asin duman niya iyan tututongon sa ibabaw kan nagkakalayong kahoy.

Amos 3:10

Nagtataram an Kagurangnan, “Pinapano kan mga tawong ini an saindang mga harong nin mga bagay na nakua ninda sa paagi nin panghahabon saka dahas. Dai ninda aram kun paano an paggibo nin tama.

Mikas 2:2

Kun mawot ninda an kaomahan, inaagaw ninda iyan; kun mga harong an mawot ninda, kinukua ninda iyan. Bako nang ligtas an pamilya o pagsadiri nin sarong tawo.

Sofonias 1:9

Papadusahan ko an gabos na nagsasamba siring sa mga pagano, asin an nanghahabon saka nanggagadan tangani sanang panoon nin sinamsaman an harong nin saindang kagurangnan.

Malakias 1:13

Minasabi kamo, ‘Pagal na kami sa paggibo kan gabos na ini!’ dangan tinatami-tamian nindo ako. Bilang dolot dinadarahan nindo ako nin hinabonan na hayop o sarong hayop na pilay o may helang. Sa paghona nindo, aakoon ko daw saindo an siring na dolot?

Mga Bilang 5:7

ikukumpisal niya an ginibong kasalan, dangan matao siya kan bilog na kabayadan kaiyan sa saiyang pinagkasalaan kaiba an dagdag na beynte porsyento.