Levitico 6:22 - Marahay na Bareta Biblia

²² Sa maabot na panahon, an siring na pagdolot sa Kagurangnan gigibohon kan lambang aki ni Aaron na maglilingkod bilang Halangkaw na Padi. Tututongon niya iyan bilang tinutong na atang sa Kagurangnan.

Levitico 6:22 ပူးပေါင်းရင်းမြစ်များ

Isaias 53:10

Nagsasabi an Kagurangnan, “Kabotan ko na siya magtios; an saiyang kagadanan sarong sakripisyo na magdadara nin kapatawadan. Halawig an saiyang magigin buhay, kaya mahihiling pa niya an saiyang kapagarakian, asin sa paagi niya maootob an sakong katuyohan.

Oseas 4:8

Nagyayaman kamo huli sa mga kasalan kan sakong banwaan, kaya boot pa nindong magdugang an saindang pagkakasala.

Levitico 3:17

Sagkod pa man dai nin siisay man sa mga Israelita an pwedeng magkakan kan taba saka dugo; iyan sarong pagboot na kukuyogon kan gabos na Israelita saen man sinda mag-erok.

Levitico 4:24

Iduduta niya an saiyang kamot sa payo kan hayop asin bubunoon niya iyan duman sa amihan na parte kan altar saen binubuno an mga hayop na iaatang. Iyan an dolot na mahale kan kasalan.

Levitico 4:3

Kun an magkasala iyo an Halangkaw na Padi, asin huli kaiyan nadamay sa pagkakasala an mga tawo, madara siya nin torilyong baka na mayo nin kaninan asin iaatang niya iyan sa Kagurangnan para sa saiyang kasalan.

Levitico 6:10

Masulot an padi nin tunika asin sarwal na lino, dangan hahaleon niya an abo kan tinutong na atang saka ibubugtak sa gilid kan altar.

Levitico 6:11

Dangan masangle siya kan saiyang gubing asin dadarahon niya an abo sa luwas kan kampo, sa sarong malinig na lugar.

Levitico 6:21

Sasalakan niya iyan nin lana saka lulutoon sa parilya, dangan roronoton asin idodolot bilang dolot na pagkakan. An parong kan dolot na iyan nawiwilihan nin Kagurangnan.

Levitico 6:23

Tututongon gabos an lambang dolot na pagkakan nin sarong padi; dai iyan pwedeng kakanon.

Deuteronomio 10:6

Naghale an mga Israelita sa lugar na pagsadiri kan mga taga Jaakan, asin nagpasiring sa Masera. Duman nagadan asin ilinubong si Aaron; an aki niyang si Eleazar iyo an nagsalihid saiya bilang padi.

Hebreyo 7:23

Igwa nin saro pang kalaenan: dakul an nagin padi dahel ta nagagadan sinda asin dai nakakapadagos kan saindang trabaho.