Levitico 6:21 - Marahay na Bareta Biblia

²¹ Sasalakan niya iyan nin lana saka lulutoon sa parilya, dangan roronoton asin idodolot bilang dolot na pagkakan. An parong kan dolot na iyan nawiwilihan nin Kagurangnan.

Levitico 6:21 ပူးပေါင်းရင်းမြစ်များ

1 Mga Cronica 23:29

Matabang man sinda sa pag-andam kan tinapay na dolot sa Dios, kan arina para sa dolot na pagkakan, kan maninipis na mga tinapay na mayo nin lebadura, kan mga hinornong dolot, dangan kan mga dolot na sinalakan nin lana nin oliba. Sinda man an matimbang asin masukol kan gabos na dolot sa Templo.

1 Mga Cronica 9:31

Sarong Levita na an ngaran Matitias, an matuang aking lalaki ni Sallum kan kamaganakan ni Kora, iyo an namahala kan paggibo kan mga maninipis na tinapay na idodolot.

Levitico 11:33

Kun an gadan na hayop mahulog sa laog nin sarong koron, magigin maati an gabos na yaon sa laog kaiyan, asin kaipuhan pasaon an koron.

Levitico 15:12

An arin man na dalipay na laogan na madotdot kan lalaking iyan, kaipuhan na pasaon; an arin man na laogan na gibo sa kahoy na saiyang madotdot, kaipuhan na hugasan nin marahay.

Levitico 2:5

Kun an idodolot tinapay na linuto sa parilya, kaipuhan gibohon iyan hale sa arina na may salak na lana nin oliba alagad mayo nin lebadura.

Levitico 6:22

Sa maabot na panahon, an siring na pagdolot sa Kagurangnan gigibohon kan lambang aki ni Aaron na maglilingkod bilang Halangkaw na Padi. Tututongon niya iyan bilang tinutong na atang sa Kagurangnan.

Levitico 7:12

Kun idolot iyan nin sarong tawo bilang pasalamat sa Dios, kaiba an hayop na iaatang, madolot siya nin tinapay na mayo nin lebadura: mahibog na tinapay hale sa arina na sinalakan nin lana nin oliba o manipis na biskwit na linahidan nin lana nin oliba o manipis na biskwit na gibo sa arina na sinalakan nin lana nin oliba.

Levitico 7:9

Mapapasaiya an arin man na dolot na pagkakan na idinolot niya, magin iyan linuto sa horno, sa kawali o sa parilya.