Levitico 6:18 - Marahay na Bareta Biblia

¹⁸ Sa maabot pang mga panahon, an gabos na aking lalaki ni Aaron pwedeng kumakan kaiyan bilang kahirasan ninda sa pagkakan na idinolot sa Kagurangnan. Magigin banal an siisay man na dumotdot kaiyan.

Levitico 6:18 ပူးပေါင်းရင်းမြစ်များ

Exodo 29:37

An paglinig asin pagkonsagra kan altar gibohon mo sa laog nin pitong aldaw. Dangan an altar magigin banal, asin an ano man na makaduta diyan, magigin banal.

Levitico 3:17

Sagkod pa man dai nin siisay man sa mga Israelita an pwedeng magkakan kan taba saka dugo; iyan sarong pagboot na kukuyogon kan gabos na Israelita saen man sinda mag-erok.

Levitico 4:24

Iduduta niya an saiyang kamot sa payo kan hayop asin bubunoon niya iyan duman sa amihan na parte kan altar saen binubuno an mga hayop na iaatang. Iyan an dolot na mahale kan kasalan.

Levitico 4:3

Kun an magkasala iyo an Halangkaw na Padi, asin huli kaiyan nadamay sa pagkakasala an mga tawo, madara siya nin torilyong baka na mayo nin kaninan asin iaatang niya iyan sa Kagurangnan para sa saiyang kasalan.

Levitico 4:33

Iduduta niya an saiyang kamot sa ibabaw kan payo kan hayop asin bubunoon niya iyan duman sa parteng amihan kan altar saen binubuno an mga hayop na tinututong.

Levitico 6:10

Masulot an padi nin tunika asin sarwal na lino, dangan hahaleon niya an abo kan tinutong na atang saka ibubugtak sa gilid kan altar.

Levitico 6:19

Itinao nin Kagurangnan ki Moises an minasunod na pagsusundon

Levitico 6:27

Magigin banal an siisay man o an ano man na makadotdot kan laman kan hayop. An arin man na parte kan gubing na matipsikan kan dugo kaiyan kaipuhan hugasan sa sarong banal na lugar.

Levitico 6:29

An lambang lalaki sa pamilya kan mga padi pwedeng kumakan kan dolot na iyan; iyan orog kabanal.

Levitico 7:6

An lambang lalaki na kaayon sa mga pamilya kan padi pwedeng kumakan kaiyan alagad kaipuhan na kakanon niya iyan sa sarong lugar na banal huli ta iyan orog kabanal.

Mga Bilang 18:10

Kakanon nindo an mga bagay na iyan sa sarong banal na lugar, asin an mga lalaki sana an pwedeng magkakan kaiyan; ibilang nindo iyan na banal.

Mga Bilang 18:8

Tinaraman nin Kagurangnan si Aaron, “Giromdoma na itinatao ko saimo an gabos na espesyal na regalo na idinodolot sako, an dolot na dai tinutong bilang mga sakripisyo. Itinatao ko iyan saimo asin sa saimong kapagarakian bilang saindong kahirasan sagkod lamang.

1 Corinto 9:13

Aram man sana nindo na an mga Judio na naglilingkod sa Templo nagkukua kan saindang kakanon sa Templo, dangan an mga nagdodolot nin mga atang sa altar igwa nin kahirasan sa mga atang.

1 Pedro 1:16

Siring sa nasusurat, “Magpakabanal kamo huli ta ako banal.”

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.