Levitico 6:15 - Marahay na Bareta Biblia

¹⁵ Dangan mahakbot an padi nin sarong gugom kan arina saka lana, kaiba an gabos na insenso dangan tututongon niya iyan sa altar bilang tanda na an gabos idinolot sa Kagurangnan. An parong kan dolot na iyan nawiwilihan nin Kagurangnan.

Levitico 6:15 ပူးပေါင်းရင်းမြစ်များ

Exodo 27:21

Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.

Levitico 2:2

dangan dadarahon niya sa mga pading aki ni Aaron. Mahakbot an padi nin sarong gugom kan arina saka lana, kaiba an gabos na insenso dangan tututongon niya iyan sa altar bilang tanda na an gabos idinolot na sa Kagurangnan. An parong kaiyan nawiwilihan nin Kagurangnan.

Levitico 2:9

Makua nin sadit na kabtang an padi bilang tanda na an gabos idinolot sa Kagurangnan asin tututongon niya iyan sa altar. An parong kaiyan nawiwilihan nin Kagurangnan.

Levitico 3:17

Sagkod pa man dai nin siisay man sa mga Israelita an pwedeng magkakan kan taba saka dugo; iyan sarong pagboot na kukuyogon kan gabos na Israelita saen man sinda mag-erok.

Levitico 6:14

An minasunod iyo an mga pagboot manongod sa dolot na pagkakan. An pading aki ni Aaron iyo an matao sa Kagurangnan kan dolot na pagkakan duman sa atubang kan altar.